ആണുങ്ങളില്‍ പലരിലും 30 വയസ്സാകുന്നതോടെ കഷണ്ടിയുടെ ലക്ഷണങ്ങള്‍ കണ്ടുതുടങ്ങും. ആണുങ്ങളില്‍ കാണുന്ന കഷണ്ടിയെ ആന്‍ഡ്രോജനിറ്റിക് അലോപേഷ്യ എന്നാണ് പറയുന്നത്.
പുരുഷന്മാരില് കഷണ്ടി ഉണ്ടാകുന്നത് സ്വാഭാവികമാണ്. ആണുങ്ങളില്‍ പലരിലും 30 വയസ്സാകുന്നതോടെ കഷണ്ടിയുടെ ലക്ഷണങ്ങള്‍ കണ്ടുതുടങ്ങും. ആണുങ്ങളില്‍ കാണുന്ന കഷണ്ടിയെ ആന്‍ഡ്രോജനിറ്റിക് അലോപേഷ്യ (Androgenetic alopecia) എന്നാണ് പറയുന്നത്.
നെറ്റിയുടെ വശങ്ങളിലൂടെ മുകളിലേക്ക് M ആകൃതിയില്‍ കയറുന്ന കഷണ്ടിയാണ് പുരുഷന്മാരില് സാധാരണമായി കാണാറുള്ളത്. ഉച്ചിയില്‍ വൃത്താകൃതിയിലും മുടി കൊഴിഞ്ഞ് കഷണ്ടിയാകുന്നത് നമ്മളില്‍ പലരിലും കാണാറുണ്ട്. പുരുഷന്മാരില് കഷണ്ടി ഉണ്ടാകുന്നതിന് പിന്നിലെ ചില കാരണങ്ങളറിയാം…
ഒന്ന്…
ഉയര്‍ന്ന പഞ്ചസാര അടങ്ങിയ ഭക്ഷണക്രമം വിവിധ ആരോഗ്യപ്രശ്നങ്ങള്‍ ഉണ്ടാക്കുകയും മുടി കൊഴിച്ചിലിനും കാരണമാവുകയും ചെയ്യും. ഭക്ഷണത്തിലെ അമിതമായ പഞ്ചസാര തലയോട്ടിയിലെ വീക്കം ഉണ്ടാക്കുന്നു. ഇക്കാരണത്താല്‍, തലയോട്ടിയിലെ താപനില ഗണ്യമായി കുറയുകയും മുടിക്ക് കേടുപാടുകള്‍ വരുത്തുകയും മുടികൊഴിച്ചില്‍ / അലോപ്പീസിയ (കഷണ്ടി) ഉണ്ടാവുകയും ചെയ്യുന്നു.
രണ്ട്…
സ്ത്രീകള്‍ക്കും പുരുഷന്മാര്‍ക്കും ഹോര്‍മോണ്‍ അസന്തുലിതാവസ്ഥ ഉണ്ടാകാം. ഇത് മുടി കൊഴിയുന്നതിന് കാരണമാകും. ഹോര്‍മോണ്‍ അസന്തുലിതാവസ്ഥയെക്കുറിച്ച് ചിന്തിക്കുമ്പോള്‍ മിക്ക ആളുകളും ഈസ്ട്രജന്‍ അല്ലെങ്കില്‍ ടെസ്റ്റോസ്റ്റിറോണിനെക്കുറിച്ചാണ് ചിന്തിക്കുന്നതെങ്കിലും തൈറോയ്ഡ് പ്രശ്നങ്ങളും മുടികൊഴിച്ചിലുണ്ടാക്കാം.
മൂന്ന്…
ഇരുമ്പിന്റെ കുറവ് ലോകത്തിലെ ഏറ്റവും സാധാരണമായ പോഷകാഹാരക്കുറവാണ്. ഇത് കഷണ്ടിയ്ക്ക് കാരണമാകുന്നു. പോഷകാഹാരക്കുറവും മുടികൊഴിച്ചില്‍ സാധാരണമായ രണ്ട് തരത്തിലാണുള്ളത്. ടെലോജെന്‍ എഫ്‌ലുവിയം, ആന്‍ഡ്രോജെനിക് അലോപ്പീസിയ എന്നിവയും തമ്മില്‍ ശക്തമായ ബന്ധമുണ്ടെന്ന് ഗവേഷണങ്ങള്‍ തെളിയിച്ചിട്ടുണ്ട്.
നാല്…
അമിതവണ്ണം മുടികൊഴിച്ചിലിലേക്ക് നയിക്കുന്ന മറ്റ് ഹോര്‍മോണ്‍ അസന്തുലിതാവസ്ഥയ്ക്ക് കാരണമാകുന്നു. പൊണ്ണത്തടി ഹൃദ്രോഗം മുതല്‍ ടൈപ്പ് 2 പ്രമേഹം വരെയുള്ള നിരവധി ആരോഗ്യ പ്രശ്‌നങ്ങള്‍ ഉണ്ടാക്കാം.
Post Your Comments