ഫ്ലിപ്കാർട്ട് ബിഗ് ബില്യൺ ഡേയ്സ് ഉടൻ! ഓഫർ വിലയിൽ ഗൂഗിൾ പിക്സൽ 7 സ്വന്തമാക്കാൻ അവസരം, വില വിവരങ്ങൾ അറിയൂ

ആപ്പിളിന്റെ ഐഫോണുകൾക്കൊപ്പം വിപണിയിൽ ഇടം നേടിയ പ്രീമിയം സെഗ്മെന്റ് സ്മാർട്ട്ഫോണുകളാണ് ഗൂഗിളിന്റെ പിക്സൽ ഹാൻഡ്സെറ്റുകളും. കഴിഞ്ഞ വർഷം കമ്പനി വിപണിയിൽ എത്തിച്ച ഗൂഗിൾ പിക്സൽ 7 ഓഫർ വിലയിൽ സ്വന്തമാക്കാനുള്ള അവസരമാണ് ഇത്തവണ ഫ്ലിപ്കാർട്ട് ഒരുക്കുന്നത്. വരാനിരിക്കുന്ന ബിഗ് ബില്യൺ ഡേയ്സിൽ ഗൂഗിൾ പിക്സസ് 7 ഹാൻഡ്സെറ്റ് വൻ വിലക്കിഴിവിൽ ലിസ്റ്റ് ചെയ്യുന്നതാണ്. ഗൂഗിൾ പിക്സൽ 8 ഒക്ടോബർ നാലിന് ഇന്ത്യൻ വിപണിയിൽ അവതരിപ്പിക്കാനിരിക്കെയാണ് ഈ ഗംഭീര ഓഫർ. ഓഫർ വിലയെ കുറിച്ച് കൂടുതൽ അറിയാം

ഗൂഗിൾ പിക്സൽ 7 സ്മാർട്ട്ഫോണുകൾ സാധാരണയായി 41,999 രൂപയ്ക്കാണ് ഫ്ലിപ്കാർട്ട് മുഖാന്തരം വാങ്ങാൻ കഴിയുക. എന്നാൽ, വരാനിരിക്കുന്ന ഓഫറിൽ ഈ ഹാൻഡ്സെറ്റ് 36,999 രൂപയ്ക്ക് സ്വന്തമാക്കാനാകും. ഐസിഐസിഐ ക്രെഡിറ്റ് കാർഡ് ഉപയോഗിച്ചാണ് പർച്ചേസ് ചെയ്യുന്നതെങ്കിൽ 3000 രൂപയുടെ ഇൻസ്റ്റന്റ് ക്യാഷ് ബാക്ക് ഓഫർ ലഭിക്കുന്നതാണ്. മികച്ച വിലയ്ക്ക് നിങ്ങളുടെ ഫോൺ അപ്ഗ്രേഡ് ചെയ്യാനുള്ള അവസരം കൂടിയാണ് ഫ്ലിപ്കാർട്ട് ഈ ഓഫറിലൂടെ നൽകുന്നത്.

Also Read: വി​ദ്യാ​ര്‍ത്ഥി​ക​ളെ ല​ക്ഷ്യ​മി​ട്ട് വി​ല്പ​ന​: ഒ​ന്നേ​കാ​ല്‍ കി​ലോ ക​ഞ്ചാ​വു​മാ​യി യു​വാ​വ് അറസ്റ്റിൽ

6.32 ഇഞ്ച് സ്ക്രീനാണ് ഗൂഗിൾ പിക്സൽ 7-ന് ഉള്ളത്. 90 ഹെർട്സ് റിഫ്രഷ് റേറ്റും, സൂപ്പർ ബ്രൈറ്റ് 1400 നിറ്റുകളും കമ്പനി വാഗ്ദാനം ചെയ്യുന്നുണ്ട്. ഫോട്ടോഗ്രാഫി ഇഷ്ടപ്പെടുന്നവർക്കായി 50 മെഗാപിക്സൽ, 12 മെഗാപിക്സൽ ക്യാമറകളാണ് പിന്നിൽ സജ്ജീകരിച്ചിട്ടുള്ളത്. 10 മെഗാപിക്സലാണ് സെൽഫി ക്യാമറ. ഉയർന്ന നിലവാരമുള്ള ഡിസ്പ്ലേ, ശക്തമായ ഇന്റേണലുകൾ, ആകർഷകമായ ക്യാമറ സജ്ജീകരണം എന്നിവ ആവശ്യമായിട്ടുള്ളവർക്ക് ഗൂഗിൾ പിക്സൽ 7 തിരഞ്ഞെടുക്കാവുന്നതാണ്.