കൊല്ലം: വിദ്യാർത്ഥികൾ തമ്മിലുള്ള സംഘർഷത്തിൽ രണ്ടു പേർക്ക് പരിക്ക്. കൊല്ലം നിലമേലിലാണ് സംഭവം. ഹയർസെക്കൻഡറി വിദ്യാർത്ഥികൾ തമ്മിലാണ് സംഘർഷം ഉണ്ടായത്. നിലമേൽ മാറ്റപ്പള്ളി മെമ്മോറിയൽ ഹയർസെക്കൻഡറി സ്‌കൂളിലെ പ്ലസ് വൺ, പ്ലസ്ടൂ വിദ്യാർത്ഥികൾ തമ്മിലാണ് സംഘർഷം നടന്നത്.
ഇന്നലെ വൈകിട്ട് സ്‌കൂൾ വിട്ടതിന് ശേഷം സ്‌കൂളിന് പുറത്തുവെച്ചാണ് കുട്ടികൾ തമ്മിൽ ഏറ്റുമുട്ടൽ നടന്നത്. അടിപിടിയിൽ തലയ്ക്ക് മുറിവേറ്റ വിദ്യാർത്ഥിയെ കല്ലമ്പലം ചാത്തൻപാറയിലുള്ള സ്വകാര്യ ആശുപത്രിയിൽ പ്രവേശിപ്പിച്ചു.
Post Your Comments