ബുലന്ദ്ഷഹർ: മാനസിക വെല്ലുവിളി നേരിടുന്ന 13കാരിയെ ലൈംഗിക പീഡനത്തിനിരയാക്കിയ സംഭവത്തിൽ
യുവാവ് അറസ്റ്റിൽ. ഉത്തർപ്രദേശിലെ ബുലന്ദ്ഷഹറിലെ കുർജനഗർ മേഖലയിലുള്ള ഗ്രാമത്തിലാണ് സംഭവം.
വീട്ടിൽനിന്നും ഗ്രാമത്തിലെ സമീപ പ്രദേശത്ത് കളിക്കാനായി പോയ പെൺകുട്ടിയെ യുവാവ് ആളൊഴിഞ്ഞ സ്ഥലത്തേക്ക് കൊണ്ടുപോയി പീഡനത്തിരയാക്കുകയായിരുന്നുവെന്ന് പൊലീസ് പറഞ്ഞു.
പെൺകുട്ടിയുടെ സഹോദരനാണ് പൊലീസിൽ വിവരം അറിയിച്ചത്. സ്ഥലത്തെത്തിയ പൊലീസ് അതേ ഗ്രാമത്തിലുള്ള കനയ്യ (30) എന്നയാളെ അറസ്റ്റ് ചെയ്തു. സംഭവത്തിൽ കേസെടുത്ത് അന്വേഷണം ആരംഭിച്ചതായി എസ്പി ബജ്രംഗ് ബലി ചൗരാസിയ പറഞ്ഞു. പെൺകുട്ടിയുടെ മെഡിക്കൽ പരിശോധന നടത്തിയെന്നും തുടർ നടപടി സ്വീകരിക്കുമെന്നും പൊലീസ് അറിയിച്ചു.
Post Your Comments