കൊച്ചി: എംഡിഎംഎയും കഞ്ചാവുമായി മൂന്ന് വിദ്യാര്‍ത്ഥികള്‍ കൊച്ചി പെരുമ്പാവൂരില്‍ പിടിയിലായി. ആലപ്പുഴ തഴക്കര ഇടയില്‍ വീട്ടില്‍ റിച്ചു റെജി (20), കോട്ടയം പാമ്പാടി ചെട്ടിമറ്റം എല്‍ബിന്‍ മാത്യു ഫിലിപ്പ് (19) കൂരപ്പടി മൈലാടിയില്‍ നെവിന്‍ മാത്യു (20) എന്നിവരെയാണ് ഡിസ്ട്രിക്ക് ആന്റി നാര്‍ക്കോട്ടിക്ക് സ്‌പെഷ്യല്‍ ആക്ഷന്‍ ഫോഴ്‌സും, പെരുമ്പാവൂര്‍ പോലീസും ചേര്‍ന്ന് പിടികൂടിയത്. ജയഭാരത് കോളേജിലെ ബി.ബി.എ വിദ്യാര്‍ത്ഥികളായ ഇവരില്‍ നിന്ന് 1.37 ഗ്രാം (ഒന്ന് പോയന്റ് മൂന്ന് ഏഴ് ) എം.ഡി.എം.എ യും . രണ്ട് പൗച്ചുകളിലായി പത്ത് ഗ്രാം കഞ്ചാവും കണ്ടെടുത്തു.
അറയ്ക്കപ്പടി കുമ്മനോട് കനാല്‍പ്പാലം ജംഗ്ഷനില്‍ വാടക വീട്ടിലാണ് ഇവരുടെ താമസം. ജില്ലാ പോലീസ് മേധാവി വിവേക് കുമാറിന് ലഭിച്ച രഹസ്യ വിവരത്തെ തുടര്‍ന്ന് നടത്തിയ പരിശോധനയില്‍ മുറിയ്ക്കകത്ത് ബാഗില്‍ സൂക്ഷിച്ച നിലയിലായിരുന്നു മയക്കുമരുന്ന് കണ്ടെത്തിയത്.
ബാംഗ്ലൂരില്‍ നിന്നാണ് രാസലഹരി വാങ്ങിയിരുന്നത്. ഉപയോഗവും വില്‍പനയും ഇവര്‍ക്കുള്ളതായി തെളിഞ്ഞിട്ടുണ്ട്. ചെറിയ . പായ്ക്കറ്റുകളിലാക്കി വിദ്യാര്‍ത്ഥികള്‍ക്കിടയിലാണ് വില്‍പന. ഇത് ഉപയോഗിക്കുന്നവര്‍ പോലീസ് നിരീക്ഷണത്തിലാണ്. വരും ദിവസങ്ങളില്‍ കൂടുതല്‍ പേര്‍ക്കെതിരെ നടപടിയുണ്ടാകും.
Post Your Comments