ദേശീയ ചലച്ചിത്ര പുരസ്‌കാരം: ‘തലൈവി’ എന്ന ചിത്രത്തിന് അവാർഡ് ലഭിക്കാഞ്ഞതിൽ പ്രതികരിച്ച് കങ്കണ റണാവത്ത്

മുംബൈ: അറുപത്തിയൊമ്പതാമത് ദേശീയ അവാർഡ് ജേതാക്കളെൾക്ക് അഭിനന്ദനം അറിയിച്ച് ബോളിവുഡ് താരം കങ്കണ റണാവത്ത്. തന്റെ ‘തലൈവി’ എന്ന ചിത്രത്തിന് അവാർഡ് ലഭിക്കാഞ്ഞതിൽ എല്ലാവരും നിരാശരാണെന്നും. എന്നാൽ തനിക്ക് ഇതുവരെ ലഭിച്ച കാര്യങ്ങൾക്കും എന്നെന്നും നന്ദിയുള്ളവളാണ് എന്നും കങ്കണ പറഞ്ഞു.

‘ദേശീയ അവാർഡ്2023 ലെ എല്ലാ വിജയികൾക്കും അഭിനന്ദനങ്ങൾ. രാജ്യത്തുടനീളമുള്ള എല്ലാ കലാകാരന്മാരെയും ഒരുമിച്ച് കൊണ്ടുവരുന്നത് ഇത്തരമൊരു ആർട്ട് കാർണിവലാണ്. എല്ലാ ഭാഷകളിലും സംഭവിക്കുന്ന വളരെ പ്രധാനപ്പെട്ട ജോലികൾ അറിയുന്നതും പരിചയപ്പെടുത്തുന്നതും ശരിക്കും മാന്ത്രികമാണ്. ‘ കങ്കണ വ്യക്തമാക്കി.

‘ഉമ്മന്‍ചാണ്ടിയുടെ പേര് ഉപയോഗിച്ച് ഒരു നേട്ടവും ഉണ്ടാക്കിയിട്ടില്ല’: വ്യാജപ്രചാരണങ്ങള്‍ നിരാശാജനകമാണ് അച്ചു ഉമ്മന്‍

‘എന്റെ തലൈവി എന്ന സിനിമ അവാർഡ് നേടാത്തതിൽ എല്ലാവരും നിരാശരാണ്. ദയവായി അറിയുക, കൃഷ്ണൻ എനിക്ക് നൽകിയതിലും നൽകാത്തതിലും ഞാൻ എന്നെന്നും നന്ദിയുള്ളവളാണ്. എന്നെ ശരിക്കും സ്നേഹിക്കുകയും അഭിനന്ദിക്കുകയും ചെയ്യുന്ന നിങ്ങൾ എന്റെ കാഴ്ചപ്പാടിനെയും അഭിനന്ദിക്കണം. കല ആത്മനിഷ്ഠമാണ്, ജൂറി അവരുടെ പരമാവധി ചെയ്തുവെന്ന് ഞാൻ ആത്മാർത്ഥമായി വിശ്വസിക്കുന്നു. എല്ലാവർക്കും ഞാൻ ആശംസകൾ നേരുന്നു. ഹരേ കൃഷ്ണ.’ തലവിക്ക് ദേശീയ അവാർഡ് ലഭിക്കാത്തതിനെ കുറിച്ചുള്ള തന്റെ ചിന്തകൾ പങ്കുവെച്ചുകൊണ്ട് കങ്കണ കൂട്ടിച്ചേർത്തു.

കങ്കണ നാല് തവണ ദേശീയ അവാർഡ് നേടിയിട്ടുണ്ട്. 2010ൽ ഫാഷനിലെ അഭിനയത്തിന് കങ്കണ മികച്ച സഹനടിക്കുള്ള പുരസ്കാരം നേടി. 2015ൽ ക്വീൻ എന്ന ചിത്രത്തിലെ അഭിനയത്തിന് കങ്കണ മികച്ച നടിക്കുള്ള ദേശീയ അവാർഡ് നേടിയിരുന്നു. 2016ൽ തനു വെഡ്‌സ് മനു റിട്ടേൺസിലൂടെ കങ്കണ തന്റെ രണ്ടാമത്തെ മികച്ച നടിക്കുള്ള പുരസ്‌കാരം നേടി. 2021ൽ മണികർണിക: ദി ക്വീൻ ഓഫ് ഝാൻസി എന്ന ചിത്രത്തിലൂടെ കങ്കണ മികച്ച നടിക്കുള്ള തന്റെ മൂന്നാമത്തെ ദേശീയ അവാർഡ് നേടി.