റിയൽമി: ഇന്ത്യൻ വിപണിയിൽ ഇന്ന് രണ്ട് പുതിയ സ്മാർട്ട്ഫോണുകൾ അവതരിപ്പിക്കും

പ്രമുഖ സ്മാർട്ട്ഫോൺ നിർമ്മാതാക്കളായ റിയൽമി ഇന്ത്യൻ വിപണിയിൽ ഇന്ന് 2 സ്മാർട്ട്ഫോണുകൾ അവതരിപ്പിക്കും. റിയൽമി 11 സീരീസിലെ റിയൽമി 11 5ജി, റിയൽമി 11 എക്സ് 5ജി എന്നീ 2 സ്മാർട്ട്ഫോണുകളാണ് പുറത്തിറക്കുക. ഉച്ചയ്ക്ക് 12 മണിക്കാണ് ലോഞ്ച് ഇവന്റ് നടക്കുന്നത്. റിയൽമിയുടെ ഔദ്യോഗിക വെബ്സൈറ്റിലും, യൂട്യൂബ് ചാനലിലും ലോഞ്ച് ഇവന്റ് തൽസമയം സ്ട്രീം ചെയ്യുന്നതാണ്.

ഔദ്യോഗിക ലോഞ്ചിന് മുന്നോടിയായി റിയൽമി 11 എക്സ് സ്മാർട്ട്ഫോണുകളെ കുറിച്ചുള്ള ഏതാനും വിവരങ്ങൾ കമ്പനി പങ്കുവെച്ചിട്ടുണ്ട്. അതേസമയം, വില സംബന്ധിച്ച വിവരങ്ങൾ പുറത്തുവിട്ടിട്ടില്ല. രണ്ട് ഹാൻഡ്സെറ്റുകൾക്കും 20,000 രൂപയിൽ താഴെ വില വരുമെന്നാണ് വിലയിരുത്തൽ. ഈ ഫോണുകൾ റെഡ്മി 12 സീരീസിനും, സാംസംഗ് ഗാലക്സി എം14-നും എതിരാളിയായി മാറാൻ സാധ്യതയുണ്ട്.

Also Read: സുജിതയെ കൊലപ്പെടുത്തിയ വിഷ്ണു അതിബുദ്ധിമാന്‍, കൊലപാതകം മിസ്സിംഗ് കേസ് ആക്കി മാറ്റാന്‍ ശ്രമം

റിയൽമി 11 എക്സ് 5ജിയിൽ 64 മെഗാപിക്സൽ ക്യാമറയും, റിയൽമി 11 5ജിയിൽ 108 മെഗാപിക്സൽ ക്യാമറയുമാണ് നൽകുക. 8 ജിബി റാം പ്ലസ് 256 ജിബി ഇന്റേണൽ സ്റ്റോറേജിലാണ് ഈ രണ്ട് ഹാൻഡ്സെറ്റുകളും പുറത്തിറങ്ങാൻ സാധ്യത. നിലവിൽ, മറ്റ് വിവരങ്ങൾ കമ്പനി പുറത്തുവിട്ടിട്ടില്ല.