ജമ്മു കശ്മീര്‍: കശ്മീരിലെ ബാരാമുള്ള ജില്ലയില്‍ നിന്ന് രണ്ട് ലഷ്‌കര്‍-ഇ-തൊയ്ബ തീവ്രവാദികളെ പോലീസ് അറസ്റ്റ് ചെയ്തു. ഇവരുടെ പക്കല്‍ നിന്ന് രണ്ട് ഗ്രനേഡുകളും എട്ട് പിസ്റ്റള്‍ റൗണ്ടുകളും കണ്ടെടുത്തതായും പോലീസ് അറിയിച്ചു. വടക്കന്‍ കശ്മീര്‍ ജില്ലയിലെ സോപോര്‍ ഏരിയയിലെ ഷേര്‍ കോളനി ടാര്‍സൂവില്‍ സ്ഥാപിച്ച ചെക്ക്പോസ്റ്റില്‍ വെച്ചാണ് ഇവര്‍ പിടിയിലായത്. പോലീസിനെ കണ്ട് രക്ഷപ്പെടാന്‍ ശ്രമിച്ച ഇരുവരെയും സുരക്ഷാ സേന പിടികൂടുകയായിരുന്നു.
ദര്‍നാമ്പല്‍ ടാര്‍സൂവിലെ താമസക്കാരായ മന്‍സൂര്‍ അഹമ്മദ് ഭട്ട്, തന്‍വീര്‍ അഹമ്മദ് ലോണ്‍ എന്നിവരെയാണ് പിടികൂടിയത്. ഇരുവര്‍ക്കും നിരോധിത ഭീകര സംഘടനയായ ലഷ്‌കര്‍ സേനയുമായി ബന്ധമുണ്ടെന്നും തിരച്ചിലില്‍ രണ്ട് ഗ്രനേഡുകളും എട്ട് പിസ്റ്റള്‍ റൗണ്ടുകളും മറ്റ് വസ്തുക്കളും കണ്ടെടുത്തതായും അധികൃതർ അറിയിച്ചു. സംഭവവുമായി ബന്ധപ്പെട്ട് പോലീസ് കേസെടുത്ത് അന്വേഷണം ആരംഭിച്ചു.
Post Your Comments