എല്ലുകളുടെ ബലത്തിന് കഴിക്കാം ഈ ഭക്ഷണങ്ങൾ

ആരോഗ്യമുള്ള ഹൃദയത്തിനും എല്ലിനും വിറ്റാമിൻ കെ ആവശ്യമാണ്. എന്നാൽ ഇത് ചർമ്മത്തിന്റെ ആരോഗ്യത്തിനും സഹായിക്കുന്നു.

ശരീരത്തിന് രക്തം കട്ടപിടിക്കുന്നതിനും മുറിവുകൾ ഉണങ്ങാൻ സഹായിക്കുന്നതുമായ വിറ്റാമിനുകളുടെ ഒരു ഗ്രൂപ്പാണ് വിറ്റാമിൻ കെ. വിറ്റാമിൻ കെ യുടെ കുറവ് എല്ലുകളുടെ ബലം കുറയ്ക്കുകയും ഓസ്റ്റിയോപൊറോസിസ് വരാനുള്ള സാധ്യത വർദ്ധിപ്പിക്കുകയും ചെയ്യും. കാരണം ആരോഗ്യമുള്ള അസ്ഥികൾക്ക് ശരീരത്തിന് വിറ്റാമിൻ കെ ആവശ്യമാണ്. വരണ്ട ചർമ്മവും കറുത്ത വൃത്തങ്ങളും തടയാനും ഇത് സഹായിക്കും.

വിറ്റാമിൻ കെ 1 അല്ലെങ്കിൽ ഫൈലോക്വിനോൺ സാധാരണയായി പച്ച ഇലക്കറികളിൽ കാണപ്പെടുന്നു. ചർമ്മത്തിന്റെ ആരോഗ്യത്തിന് ബ്രൊക്കോളി പ്രത്യേകിച്ചും നല്ലതാണ്. കാരണം അതിൽ മറ്റ് അവശ്യ പോഷകങ്ങളും അടങ്ങിയിട്ടുണ്ട്. ബ്രോക്കോളി കഴിക്കുന്നത് വിറ്റാമിൻ എ, സി, സിങ്ക് എന്നിവയുടെ അളവ് നിലനിർത്താനുള്ള നല്ലൊരു മാർഗമാണ്.

ബ്രോക്കോളിക്ക് പ്രായമാകൽ വിരുദ്ധ ഗുണങ്ങളുണ്ട്. കാരണം ഇതിലെ ല്യൂട്ടിൻ ഉള്ളടക്കം ഓക്സിഡേറ്റീവ് കേടുപാടുകൾ തടയാൻ സഹായിക്കും. സൂര്യാഘാതത്തിൽ നിന്ന് ചർമ്മത്തെ സംരക്ഷിക്കുന്ന സൾഫോറഫേനും ഇതിൽ അടങ്ങിയിട്ടുണ്ട്.

പാലക്ക് ചീര കഴിക്കുന്നത് ചർമ്മത്തിന്റെ ആരോഗ്യം മെച്ചപ്പെടുത്തുന്നതുൾപ്പെടെ നിരവധി ഗുണങ്ങൾ നൽകുന്നു. വേവിച്ച അരക്കപ്പ് ചീരയിൽ ഏകദേശം 440 എംസിജി വിറ്റാമിൻ കെ നൽകും. ഇതിൽ വിറ്റാമിൻ എ, ബി, സി എന്നിവയും ഫോളേറ്റും അടങ്ങിയിട്ടുണ്ട്. ചീര കഴിക്കുന്നത്  ചർമ്മത്തെ ജലാംശം നിലനിർത്തുകയും കൊളാജന്റെ ഉത്പാദനം പ്രോത്സാഹിപ്പിക്കുകയും ഫ്രീ റാഡിക്കൽ, അൾട്രാവയലറ്റ് നാശത്തിൽ നിന്ന് സംരക്ഷിക്കുകയും ചെയ്യും.

മാതളനാരങ്ങയിൽ വിറ്റാമിൻ സി ധാരാളം അടങ്ങിയിട്ടുണ്ട്. ഇത് കൊളാജൻ ഉൽപാദനത്തിൽ പ്രധാന പങ്ക് വഹിക്കുന്നു. ഈ പഴത്തിലെ ആന്റിഓക്‌സിഡന്റുകൾ വീക്കം കുറയ്ക്കാനും ചർമ്മത്തിന്റെ മൊത്തത്തിലുള്ള സംരക്ഷണം ഉറപ്പാക്കാനും സഹായിക്കും. അകാല വാർദ്ധക്യം ഒഴിവാക്കാൻ ഇത് സഹായിച്ചേക്കാം.