ഹരിപ്പാട്: 12 വയസ്സുകാരിയെ ഉപദ്രവിച്ച കേസിൽ ആലപ്പുഴ ഹരിപ്പാട് സ്വദേശിയായ കാസിമിനെ (65) ഹരിപ്പാട് പോലീസ് അറസ്റ്റ് ചെയ്തതു. പ്രതി കരുവാറ്റ എൻഎസ്എസ് ഹൈസ്കൂളിന് സമീപം ബേക്കറി നടത്തുന്ന ആളാണ്. കേസിലേക്ക് നയിച്ച സംഭവം കുറച്ചുദിവസം മുമ്പാണ് ഉണ്ടായത്. കുട്ടിയുടെ അമ്മ വീട്ടുജോലിക്ക് പോകുന്ന വ്യക്തിയാണ്.
ജോലിക്ക് നേരത്തെ പോകേണ്ടതിനാൽ കുട്ടിയുടെ അമ്മ കുട്ടിയെ സ്കൂളിലേക്ക് വിടുന്നതിനായി സ്ഥിരമായി ഈ കടയിൽ ഏൽപ്പിച്ചിട്ട് പോകുകയാണ് ചെയ്യുന്നത്. ഈ സമയങ്ങളാണ് പ്രതി കുട്ടിയെ ഉപദ്രവിച്ചിരുന്നത്. ഇത് സംബന്ധിച്ച് കുട്ടി പോലീസിന് മൊഴി നൽകി.
ശാരീരിക അസ്വസ്ഥതകൾ പ്രകടിപ്പിച്ച കുട്ടിയെ പരിശോധനകൾക്കായി ഹോസ്പിറ്റലിൽ കൊണ്ടുപോയ സമയത്ത് ഡോക്ടറിനോടാണ് കുട്ടി ഈ വെളിപ്പെടുത്തലുകൾ നടത്തിയത്. തുടർന്ന് ആശുപത്രി അധികൃതരുടെ പരാതിയിൽ പോലീസ് കേസെടുത്തു അന്വേഷണം ആരംഭിച്ചു. തുടർന്ന് ഹരിപ്പാട് പോലീസ് പ്രതിയെ അറസ്റ്റ് ചെയ്യുകയായിരുന്നു.
Post Your Comments