മലപ്പുറം: ഇടിമിന്നലേറ്റ് സ്‌കൂൾ വിദ്യാർത്ഥിയ്ക്ക് ദാരുണാന്ത്യം. മലപ്പുറം കോട്ടക്കലിലാണ് മിന്നലേറ്റ് സ്‌കൂൾ വിദ്യാർത്ഥി മരിച്ചത്. ചങ്കുവെട്ടി സ്വദേശി അൻസാറിന്റെ മകൻ ഹാദി ഹസൻ (13) ആണ് മരിച്ചത്. വൈകീട്ട് 6.30 തോടെ ആയിരുന്നു സംഭവം.
അതേസമയം, കോഴിക്കോട് വടകരയിൽ ഇടിമിന്നലിൽ വീടിന്റെ ഭിത്തി തകർന്ന് അപകടമുണ്ടായി. വടകര കോട്ടപ്പള്ളിയിലെ കുനി ഇല്ലത്ത് ശ്രീധരൻ നമ്പൂതിരിയുടെ വീടിനാണ് ഇടിമിന്നലേറ്റത്. മിന്നലിൽ വീടിന്റെ ഭിത്തി ചിതറിത്തെറിച്ചു. വീട്ടിലെ വൈദ്യുത ഉപകരണങ്ങൾക്കും കേടുപാട് സംഭവിച്ചു.
Post Your Comments