തൃശൂര്‍: വിസ വാഗ്ദാനം ചെയ്ത് പണം തട്ടിയ കേസില്‍ പിടികിട്ടാപ്പുള്ളി അറസ്റ്റില്‍. തൃശ്ശൂര്‍ വള്ളത്തോള്‍ നഗര്‍ വെട്ടിക്കാട്ടിരി പുളക്കല്‍ വീട്ടില്‍ യൂസഫലിയാണ് ചെങ്ങന്നൂര്‍ വെണ്മണി പോലീസ് അറസ്റ്റ് ചെയ്തത്.
രണ്ടായിരത്തി പതിനാലില്‍ കൊല്ലക്കടവ് കടയിക്കാട് സ്വദേശിയായ യുവാവില്‍ നിന്ന് വിസ വാഗ്ദാനം ചെയ്ത് അന്‍പതിനായിരം രൂപ തട്ടിയെടുത്ത കേസില്‍ ഇയാള്‍ ഒളിവിലായിരുന്നു. രണ്ടായിരത്തി ഇരുപതില്‍ കോടതി ഇയാളെ പിടികിട്ടാപ്പുള്ളിയായി പ്രഖ്യാപിച്ചു. ആലപ്പുഴ ജില്ലാ പൊലീസ് മേധാവി ചൈത്ര തെരേസ ജോണ്‍ ആരംഭിച്ച പ്രത്യേക നടപടിയുടെ ഭാഗമായി ചെങ്ങന്നൂര്‍ ഡിവൈഎസ്പി ബിനുകുമാര്‍ എംപിയുടെ നിര്‍ദേശപ്രകാരമാണ് പ്രതിയെ അറസ്റ്റ് ചെയ്തത്.
വെണ്മണി എസ്എച്ച്ഒ എ. നസീറും സംഘവുമാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ മാവേലിക്കര സബ്ജയിലില്‍ റിമാന്‍ഡ് ചെയ്തു.
Post Your Comments