ഫറോക്ക്: കോഴിക്കോട് വാഹനം വാഹനമോഷണക്കേസില്‍ പിതാവും മക്കളുമടക്കം നാല് പേര്‍ അറസ്റ്റില്‍. നല്ലളം ഇൻസ്പെക്ടർ കെഎ ബോസും സിറ്റി ക്രൈം സ്ക്വോഡും ചേര്‍ന്നാണ് പ്രതിയെ പിടികൂടിയത്.
പന്നിയങ്കര ചക്കുംകടവ് എംപി വീട്ടിൽ ഫൈസൽ (42), മക്കളായ ഫാസിൽ (23), ഷിഹാൽ (21), കുറ്റിക്കാട്ടൂർ സ്വദേശി ത്വയിഫ് (19), എന്നിവരാണ് അറസ്റ്റിലായത്. 14-ന് കൊളത്തറ അബ്ദുൾ റഹിമീന്റെ വീട്ടിൽ നിർത്തിയിട്ട ബൈക്ക് മോഷ്ടിച്ചതിനാണ് ഇവരെ അറസ്റ്റ് ചെയ്തത്.
കോഴിക്കോട് കസബ പോലീസ് റജിസ്റ്റർ ചെയ്ത വാഹനമോഷണക്കേസിൽ പ്രതിയായിരുന്നു കുറ്റിക്കാട്ടൂർ സ്വദേശിയായ മുഹമ്മദ് ത്വായിഫ്. ഇയാളെ ജാമ്യത്തിലിറക്കിയത് ഗൾഫിൽ നിന്ന് വന്ന ഫൈസലാണ്.
ഫൈസലിന്റെ മകനായ ഷിഹാൽ അടുത്തിടെയാണ് വാഹനമോഷണ കേസിൽ ജാമ്യത്തിലിറങ്ങിയത്. ത്വയിഫാണ് വാഹനം കൊളത്തറിയൽ നിന്ന് മോഷിച്ചത്. ഷിഹാലിനെ ചോദ്യം ചെയ്തതിൽ നിന്നാണ് മോഷ്ടിച്ച ബൈക്ക് നഗരത്തിൽ നിന്ന് കണ്ടെത്തിയത്. എസ്ഐമാരായ കെ രവീന്ദ്രൻ, റിഷാദലി നെച്ചിക്കാടൻ എന്നിവരും അന്വേഷണ സംഘത്തിലുണ്ടായിരുന്നു.
Post Your Comments