ഹരിയാനയിൽ മൂന്ന് നില റൈസ് മിൽ തകർന്ന് തൊഴിലാളികൾക്ക് ദാരുണാന്ത്യം

ഹരിയാനയിൽ റൈസ് മിൽ തകർന്ന് നാല് തൊഴിലാളികൾക്ക് ദാരുണാന്ത്യം. മൂന്ന് നിലകൾ ഉള്ള കെട്ടിടമാണ് തകർന്നത്. ഹരിയാനയിലെ കർണാലിലാണ് അപകടം നടന്നത്. സംഭവത്തിൽ 20- ലധികം ആളുകൾക്ക് പരിക്കേറ്റിട്ടുണ്ട്. ഇവരെ ഹരിയാനയിലെ വിവിധ ആശുപത്രികളിൽ പ്രവേശിപ്പിച്ചിരിക്കുകയാണ്.

അപകട സമയത്ത് 150 ഓളം തൊഴിലാളികളാണ് കെട്ടിടത്തിൽ ഉണ്ടായിരുന്നത്. സംഭവ സ്ഥലത്ത് ഉടൻ തന്നെ അഗ്നിശമന സേനാംഗങ്ങളും പോലീസും എത്തിയാണ് രക്ഷാ പ്രവർത്തനങ്ങൾ നടത്തിയത്. കെട്ടിടത്തിന് തകരാറുകൾ ഉള്ളതായി അധികൃതർ കണ്ടെത്തിയിട്ടുണ്ട്. അതിനാൽ, റൈസ് മിൽ ഉടമകൾക്കെതിരെ ഉടൻ തന്നെ നടപടി സ്വീകരിക്കുന്നതാണ്. സംഭവം കൂടുതൽ അന്വേഷിക്കാനായി പ്രത്യേക കമ്മിറ്റി രൂപീകരിക്കുമെന്നും പോലീസ് അറിയിച്ചു.

Also Read: വന്ദേ ഭാരത് എക്സ്പ്രസ് വൈകിയത് 2 മിനിറ്റ്! ചീഫ് കൺട്രോളർ ഓഫീസർക്കെതിരെ നടപടി, സംഭവം ഇങ്ങനെ