കണ്ണൂര്‍: വിവാഹ വാഗ്ദാനം നല്‍കി വിദേശത്തുവെച്ച്‌ മലയാളി യുവതിയെ ഗര്‍ഭിണിയാക്കിയ കേസില്‍ പ്രതിക്കെതിരെ ലുക്കൗട്ട്‌ നോട്ടീസ് പുറപ്പെടുവിച്ച്‌ പൊലീസ്. ഉത്തര്‍പ്രദേശ് ബറേലി സ്വദേശി നദീം ഖാനെതിരെയാണു ലുക്കൗട്ട്‌ നോട്ടീസ് പുറപ്പെടുവിച്ചത്. ദുബൈയില്‍ ട്രാന്‍സ്പോര്‍ട്ട് കമ്പനിയില്‍ ജോലി ചെയ്യുന്ന 35കാരിയാണ് പരാതിക്കാരി. കമ്പനി മാനേജറുടെ ബന്ധുവായ നദീം ഖാനുമായി ഇവർ സൗഹൃദത്തിലായിരുന്നു. ഇയാള്‍ വിവാഹവാഗ്ദാനം നല്‍കി പീഡിപ്പിച്ചെന്നാണ് പരാതി.
യുവതി ഗര്‍ഭിണിയായതോടെ നദീം ഖാന്‍ നാട്ടിലേക്ക് കടന്നു. ഇരിക്കൂര്‍ പൊലീസ് സ്റ്റേഷന്‍ പരിധിയിലെ യുവതി പിന്നീട് നാട്ടിലെത്തി പൊലീസില്‍ പരാതി നല്‍കുകയായിരുന്നു. ഇവര്‍ കഴിഞ്ഞ മാസം കണ്ണൂരിലെ സ്വകാര്യ ആശുപത്രിയില്‍ ആണ്‍കുഞ്ഞിന് ജന്മം നല്‍കി. ഏഴാം മാസം പ്രസവിച്ചതിനെ തുടര്‍ന്ന് തീവ്രപരിചരണ വിഭാഗത്തിലായ കുഞ്ഞ് കഴിഞ്ഞ ദിവസം മരിച്ചിരുന്നു.
Post Your Comments