കോഴിക്കോട്: കോഴിക്കോട് ഒന്നരയേക്കർ അടിക്കാടിന് തീപിടിച്ചു. അഴിയൂരിൽ അണ്ടിക്കമ്പനിക്ക് സമീപമാണ് അടിക്കാടിന് തീപിടിച്ചത്. കശുവണ്ടി വികസന കോർപറേഷന്റെ ഭൂമിയിലാണ് തീപിടുത്തം ഉണ്ടായത്.
തീപിടുത്തത്തിന്റെ വിവരം അറിഞ്ഞ ഉടൻ തന്നെ മാഹി, വടകര എന്നിവിടങ്ങളിൽ നിന്ന് ഫയർ ഫോഴ്‌സ് യൂണിറ്റുകൾ സംഭവ സ്ഥലത്തെത്തി. നാട്ടുകാരും തീയണക്കാൻ ഫയർഫോഴ്‌സിനെ സഹായിച്ചു. രാവിലെ പതിനൊന്ന് മണിയോടെയാണ് തീപിടുത്തം ഉണ്ടായത്. കെട്ടിടത്തിലേക്കും തീ ഭാഗികമായി പടർന്നിരുന്നു. നിലവിൽ തീ നിയന്ത്രണ വിധേയമാണ്. മാഹി ബൈപ്പാസ് റോഡിലെ ഗതാഗതവും തീപിടുത്തം മൂലം നിർത്തിവെച്ചിരുന്നു. പൂർണ്ണമായും തീ നിയന്ത്രണ വിധേയമായ ശേഷമാണ് ഗതാഗതം പുന:രാരംഭിച്ചത്.
Post Your Comments