സംസ്ഥാനത്ത് മാറ്റമില്ലാതെ സ്വർണവില, ഇന്നത്തെ നിരക്കുകൾ അറിയാം

സംസ്ഥാനത്ത് ഇന്ന് സ്വർണവില മാറ്റമില്ലാതെ തുടരുന്നു. ഒരു പവൻ സ്വർണത്തിന്റെ ഇന്നത്തെ വിപണി വില 41,400 രൂപയും, ഒരു ഗ്രാമിന് 5,175 രൂപയുമാണ് വില. കഴിഞ്ഞ രണ്ട് ദിവസവും സ്വർണവില ഉയർന്നിരുന്നു. മാർച്ച് മാസത്തിലെ രണ്ടാം ദിനമായ ഇന്നലെ ഒരു പവൻ സ്വർണത്തിന് 120 രൂപയാണ് വർദ്ധിച്ചത്. മാർച്ച് ഒന്നിന് ഒരു പവൻ സ്വർണത്തിന്റെ വില 41,280 രൂപയാണ്.

രാജ്യാന്തര വിപണിയിൽ ട്രോയി ഔൺസിന് 1,839 ഡോളറിലേക്ക് സ്വർണത്തിന്റെ വില ഉയർന്നിട്ടുണ്ട്. ആഗോള വിപണിയിൽ നിലനിൽക്കുന്ന അനിശ്ചിതത്വവും, ഡോളറിന്റെ വിനിമയ മൂല്യവും സ്വർണവിലയിൽ പ്രതിഫലിക്കാറുണ്ട്. ഫെബ്രുവരി മാസത്തിൽ സ്വർണവിലയിൽ വലിയ ചാഞ്ചാട്ടം ഉണ്ടായിരുന്നു.

Also Read: ഇന്നല്ലെങ്കിൽ നാളെ ബിജെപി സർക്കാർ കേരളത്തിൽ അധികാരത്തിൽ വരും: കെ സുരേന്ദ്രൻ 

സംസ്ഥാനത്ത് ഇന്ന് വെള്ളിയുടെ വില ഉയർന്നിട്ടുണ്ട്. ഒരു ഗ്രാം വെള്ളിയുടെ വില 70 രൂപയും, 8 ഗ്രാം വെള്ളിയുടെ വില 560 രൂപയുമാണ്. അതേസമയം, ഒരു കിലോഗ്രാം വെള്ളിക്ക് 70,000 രൂപയാണ് വില.