വൺപ്ലസ് 8 പ്രോ: പ്രധാന ഫീച്ചറുകൾ അറിയാം

വിപണിയിൽ ഒട്ടനവധി ആരാധകർ ഉള്ള സ്മാർട്ട്ഫോൺ നിർമ്മാതാക്കളാണ് വൺപ്ലസ്. കുറഞ്ഞ കാലയളവിൽ മികച്ച സവിശേഷതകൾ ഉള്ള ഒട്ടനവധി സ്മാർട്ട്ഫോണുകൾ വൺപ്ലസ് പുറത്തിറക്കിയിട്ടുണ്ട്. അത്തരത്തിൽ ജനപ്രീതി നേടിയ വൺപ്ലസിന്റെ ഹാൻഡ്സെറ്റുകളിൽ ഒന്നാണ് വൺപ്ലസ് 8 പ്രോ. ഇവയുടെ പ്രധാന സവിശേഷതകൾ എന്തൊക്കെയെന്ന് അറിയാം.

6.78 ഇഞ്ച് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. 3168 × 1400 ആണ് പിക്സൽ റെസലൂഷൻ. ക്വാൽകം സ്നാപ്ഡ്രാഗൺ 865 പ്രോസസറിൽ പ്രവർത്തിക്കുന്ന ഈ സ്മാർട്ട്ഫോണുകളുടെ ഓപ്പറേറ്റിംഗ് സിസ്റ്റം ആൻഡ്രോയ്ഡ് 10 അടിസ്ഥാനപ്പെടുത്തിയുള്ളതാണ്.

Also Read: ബഹിരാകാശ രംഗത്തും ആധിപത്യം സ്ഥാപിക്കാനൊരുങ്ങി ഇന്ത്യ, മൂന്നാം ചാന്ദ്രയാത്ര ഉടന്‍

48 മെഗാപിക്സൽ, 8 മെഗാപിക്സൽ, 48 മെഗാപിക്സൽ, 5 മെഗാപിക്സൽ ക്വാഡ് ക്യാമറ സജ്ജീകരണമാണ് പിന്നിൽ നൽകിയിട്ടുള്ളത്. 16 മെഗാപിക്സലാണ് സെൽഫി ക്യാമറ. 4,519 എംഎഎച്ച് ബാറ്ററി ലൈഫും, 30 വാട്സ് ഫാസ്റ്റ് ചാർജിംഗ് പിന്തുണയും ലഭ്യമാണ്. 8 ജിബി റാം പ്ലസ് 128 ജിബി ഇന്റേണൽ സ്റ്റോറേജ് ഉളള മോഡലിന്റെ വില 48,999 രൂപയും, 12 ജിബി റാം പ്ലസ് 256 ജിബി ഇന്റേണൽ സ്റ്റോറേജ് ഉളള മോഡലിന്റെ വില 49,999 രൂപയുമാണ്.