മലപ്പുറം: മലപ്പുറത്ത് ഉത്സവത്തിനിടെ നിരവധി പേര്‍ക്ക് പരിക്ക്. മലപ്പുറം ചങ്ങരംകുളം പെരുമുക്ക് ഉത്സവത്തിനിടെയാണ് സംഘര്‍ഷം ഉണ്ടായത്.
ഉത്സവത്തിന് തംബോലം കൊണ്ട് വരുന്നത് സംബന്ധിച്ച് വരവ് കമ്മിറ്റിയും ഉത്സവ കമ്മിറ്റിയും തമ്മില്‍ തര്‍ക്കം നിലനിന്നിരുന്നു. ഇതാണ് ഒടുവില്‍ സംഘര്‍ഷത്തില്‍ കലാശിച്ചത്. പോലീസ് ലാത്തിവീശി.
ചങ്ങരംകുളം കാരക്കാട്ട് ഭഗവതി ക്ഷേത്രത്തിലെ ഉത്സവവത്തിനിടെ ഞായറാഴ്ച നടന്ന ഉത്സവത്തില്‍ വൈകീട്ട് 7 മണിയോടെ തന്നെ ഇരുവിഭാഗങ്ങള്‍ തമ്മില്‍ വാക്കേറ്റമുണ്ടായിരുന്നു. പോലീസ് ഇടപെട്ടാണ് സംഘര്‍ഷം ഒഴിവാക്കിയത്. രാത്രി എട്ട് മണിയോടെ വരവുകള്‍ ക്ഷേത്ര പരിസരത്ത് എത്തിയതോടെ ഇരുവിഭാഗങ്ങള്‍ തമ്മില്‍ കയ്യാകളി ഉണ്ടായി. ഉത്സവത്തിന് തംബോലം കൊണ്ട് വരുന്നത് സംബന്ധിച്ച് വരവ് കമ്മിറ്റിയും ഉത്സവ കമ്മിറ്റിയും തമ്മില്‍ തര്‍ക്കം നിലനിന്നിരുന്നു.
സംഘര്‍ഷസാധ്യത മുന്നില്‍കണ്ട് ചങ്ങരംകുളം പോലീസ് ക്ഷേത്ര പരിസരത്ത് നിലയുറപ്പിച്ചിരുന്നു. ഉത്സവ പറമ്പിലേക്ക് തമ്പോലം എത്തിയതോടെ ഇരുവിഭാഗങ്ങള്‍ വാക്കേറ്റം ആരംഭിച്ചു. പിന്നീട്‌ വാക്കേറ്റം സംഘര്‍ഷത്തിലേക്ക് വഴി മാറുകയായിരുന്നു. തുടര്‍ന്ന് പോലീസ് ലാത്തി വീശി.
Post Your Comments