അക്ഷയ് കുമാർ ഖത്തർ എയർലൈൻസ് പരസ്യത്തിൽ ഇന്ത്യയിൽ ചവിട്ടി എന്ന് വിമര്‍ശനം: എല്ലാവരും ആകാശത്താണോ ചവിട്ടുന്നതെന്ന് ചോദ്യം

ബോളിവുഡ് നടൻ അക്ഷയ്കുമാറിനെതിരെ സോഷ്യൽ മീഡിയയിൽ വിമർശനം. ഇന്ത്യയുടെ ഭൂപടത്തില്‍ ചവിട്ടി എന്നാണ് ആരോപണം. ഖത്തര്‍ എയര്‍ലൈനിന്റെ പരസ്യത്തില്‍ ​ഗ്ലോബിന് മുകളിലൂടെ അക്ഷയ് കുമാർ നടക്കുന്ന ഒരു സീനിൽ ഇന്ത്യയുടെ ഭാഗത്ത് ചവിട്ടുന്നതായി കാണാം ഇതാണ് ഒരു വിഭാ​ഗം ആളുകളെ ചൊടിപ്പിച്ചത്. കഴിഞ്ഞ ദിവസം ആയിരുന്നു ഖത്തര്‍ എയര്‍ലൈനിന്റെ പരസ്യം പുറത്തിറങ്ങിയത്.

നടിമാരായ ദിഷ പടാനി, നോറ ഫത്തേഹി എന്നിവരും പരസ്യത്തിൽ ഉണ്ട്. എന്നാൽ ഒരുഭാ​ഗത്ത് ​ഗ്ലോബിലെ ഇന്ത്യൻ ഭൂപടത്തിലൂടെ അക്ഷയ് നടക്കുന്നുണ്ട്. ഇതാണ് സൈബർ ആക്രമണങ്ങൾക്ക് ഇടയാക്കിയത്. ‘ഭാരതത്തിനോട് കുറച്ചെങ്കിലും ബഹുമാനം കാണിക്കൂ’ എന്ന തരത്തിലാണ് ട്വിറ്റർ ഉൾപ്പെടയുള്ള മറ്റ് സോഷ്യൽ മീഡിയകളിലും വീഡിയോ പ്രചരിക്കുന്നത്. അതോടൊപ്പം ‘കാനഡക്കാരൻ ആയതിനാലാണ് മാപ്പില്‍ ചവിട്ടിയത്’ എന്നും വിമർശനമുണ്ട്.

The Entertainers are all set to bring 100% shuddh desi entertainment to North America. Fasten your seat belts, we’re coming in March! ? @qatarairways pic.twitter.com/aoJaCECJce

— Akshay Kumar (@akshaykumar) February 5, 2023

ഷാരൂഖ് ഖാൻ നായകനായി എത്തിയ പഠാനെതിരെ ബോയ്‌ക്കോട്ട് ക്യാംപെയ്ൻ നടത്തിയവർ എന്തുകൊണ്ട് അക്ഷയ് കുമാറിനെ വിമര്‍ശിക്കുന്നില്ല എന്ന ചോദ്യവും ഉയര്‍ന്നു. എന്നാൽ, നടന് പിന്തുണയുമായാണ് സോഷ്യൽ മിഡിയയിൽ കൂടുതൽ പേരും എത്തിയത്. എല്ലാവരും ഇന്ത്യയിൽ ചവിട്ടാതെ ആകാശത്താണോ ചവിട്ടുന്നതെന്നാണ് സോഷ്യൽ മീഡിയയുടെ ചോദ്യം.