റെഡ്മി 11 പ്രൈം 5ജിയുടെ വില വെട്ടിക്കുറച്ചു, പുതുക്കിയ വില അറിയാം

ഷവോമിയുടെ സബ് ബ്രാൻഡായ റെഡ്മി 11 പ്രൈം 5ജി സ്മാർട്ട്ഫോണുകളുടെ വില കുറച്ചു. കഴിഞ്ഞ സെപ്തംബറിലാണ് റെഡ്മി 11 പ്രൈം 5ജി ഇന്ത്യൻ വിപണിയിൽ പുറത്തിറക്കിയത്. റിപ്പോർട്ടുകൾ പ്രകാരം, ഷവോമിയുടെ ഔദ്യോഗിക വെബ്സൈറ്റിലും, ആമസോൺ ഇന്ത്യയിലുമാണ് സ്മാർട്ട്ഫോണുകളുടെ വില കുറച്ചിരിക്കുന്നത്. പുതുക്കിയ നിരക്കുകൾ അറിയാം.

രണ്ട് വ്യത്യസ്ഥ വേരിയന്റുകളിലാണ് റെഡ്മി 11 പ്രൈം 5ജി പുറത്തിറക്കിയത്. 4 ജിബി റാം പ്ലസ് 64 ജിബി ഇന്റേണൽ സ്റ്റോറേജ് ഉളള മോഡൽ ലോഞ്ച് ചെയ്തപ്പോൾ ഉള്ള വില 13,999 രൂപയായിരുന്നു. ഈ വേരിയന്റിന് 1,000 രൂപയാണ് കുറച്ചത്. 6 ജിബി റാം പ്ലസ് 128 ജിബി ഇന്റേണൽ സ്റ്റോറേജ് ഉളള മോഡലിന് 15,999 രൂപയായിരുന്നു ലോഞ്ച് ചെയ്യുമ്പോൾ ഉള്ള വില. ഈ വേരിയന്റിനും 1,000 രൂപയാണ് കുറച്ചിരിക്കുന്നത്. ഇതോടെ, 4 ജിബി റാം പ്ലസ് 64 ജിബി ഇന്റേണൽ സ്റ്റോറേജ് വേരിയന്റ് 12,999 രൂപയ്ക്കും, 6 ജിബി റാം പ്ലസ് 128 ജിബി ഇന്റേണൽ സ്റ്റോറേജ് വേരിയന്റ് 14,999 രൂപയ്ക്കും സ്വന്തമാക്കാൻ സാധിക്കും.

Also Read: പുതുവർഷാഘോഷം: ഷാർജയിലെ വിനോദ കേന്ദ്രങ്ങളിൽ വൻ പരിപാടികൾ