കോട്ടയം: വീട്ടമ്മയായ യുവതിയെ പീഡിപ്പിച്ച കേസിൽ യുവാവ് അറസ്റ്റില്‍ . കോട്ടയം പുഞ്ചവയൽ ആനികുന്ന് ഭാഗത്ത് തുറവാതുക്കൽ വീട്ടിൽ മാത്യു മകൻ സബീൽ മാത്യു(29) എന്നയാളാണ് പിടിയിലായത്.
മുണ്ടക്കയം പോലീസ് ആണ് പ്രതിയെ അറസ്റ്റ് ചെയ്തത്. വീട്ടമ്മയുമായി പ്രതി സമൂഹമാധ്യമത്തിലൂടെ സൗഹൃദം സ്ഥാപിക്കുകയും ഇതിലൂടെ വീട്ടമ്മയുടെ ചിത്രങ്ങൾ കൈക്കലാക്കുകയും ഇത് കാണിച്ച് വീട്ടമ്മയെ ഭീഷണിപ്പെടുത്തി ലൈംഗികമായി പീഡിപ്പിക്കുകയുമായിരുന്നു. യുവതിയുടെ പരാതിയെ തുടർന്ന് മുണ്ടക്കയം പോലീസ് കേസ് രജിസ്റ്റർ ചെയ്തു.
മുണ്ടക്കയം സ്റ്റേഷൻ എസ്.എച്ച്.ഓ ഷൈൻ കുമാർ എ.എസ്.ഐമാരായ അനീഷ് പി.എസ്, അനൂബ് കുമാർ, സി.പി.ഒമാരായ ജ്യോതിഷ് ടി.ഡി, ജോൺസൺ എം.ജെ, ബിജി വി.ജെ, രഞ്ജിത്ത് പി.റ്റി, രഞ്ജിത്ത് എസ്. നായർ എന്നിവർ ചേർന്നാണ് ഇയാളെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Post Your Comments