സ്ഥിര നിക്ഷേപം നടത്താൻ സുവർണാവസരം, ഉത്സവകാല ഓഫറുകൾ പ്രഖ്യാപിച്ച് ഈ ബാങ്ക്

സ്ഥിര നിക്ഷേപങ്ങൾ നടത്താൻ ആഗ്രഹിക്കുന്നവർക്ക് പ്രത്യേക ഓഫറുമായി എത്തിയിരിക്കുകയാണ് രാജ്യത്തെ പ്രമുഖ സ്വകാര്യ ബാങ്കായ ഐഡിബിഐ ബാങ്ക്. ഉത്സവകാല ഓഫറുകൾ പ്രമാണിച്ച് സ്ഥിര നിക്ഷേപങ്ങൾക്ക് ഉയർന്ന പലിശയാണ് വാഗ്ദാനം ചെയ്യുന്നത്. ‘അമൃത് മഹോത്സവ് എഫ്ഡി’ എന്ന പേര് നൽകിയിരിക്കുന്ന ഈ പദ്ധതിയിൽ സ്ഥിര നിക്ഷേപങ്ങൾക്ക് 6.90 ശതമാനം പലിശയാണ് ലഭിക്കുന്നത്.

2022 ഒക്ടോബർ 21 മുതലാണ് ‘അമൃത് മഹോത്സവ് എഫ്‌ഡി’ ആരംഭിക്കുന്നത്. 555 ദിവസത്തേക്ക് ഈ ഓഫർ ഉണ്ടാകുമെന്ന് ബാങ്ക് അറിയിച്ചിട്ടുണ്ട്. പുതിയ പദ്ധതി അവതരിപ്പിച്ചതോടെ, മറ്റ് സ്ഥിര നിക്ഷേപങ്ങളുടെ പലിശ നിരക്കും വർദ്ധിപ്പിച്ചിട്ടുണ്ട്. ഒരു വർഷം കാലാവധിയുള്ള നിക്ഷേപത്തിന്റെ പലിശ നിരക്ക് 6.75 ശതമാനമായും, രണ്ടുവർഷത്തേക്കുള്ള നിക്ഷേപത്തിന്റെ പലിശ നിരക്ക് 6.85 ശതമാനമായുമാണ് ഉയർത്തിയത്.

Also Read: പ്രവൃത്തി പരിചയമേളക്കിടെ പന്തൽ തകർന്ന് വീണു : മുപ്പതോളം കുട്ടികൾക്ക് പരിക്ക്, രണ്ട് അധ്യാപകർക്ക് ഗുരുതരം

‘അമൃത് മഹോത്സവ് എഫ്‌ഡി’ പദ്ധതി പ്രകാരം, മുതിർന്ന പൗരൻമാർക്ക് പ്രത്യേക നിരക്കുകളാണ് ഏർപ്പെടുത്തിയിരിക്കുന്നത്. ഈ പദ്ധതിക്ക് കീഴിൽ സാധാരണ പൗരന്മാർക്ക് 6.40 ശതമാനവും, മുതിർന്ന പൗരന്മാർക്ക് 6.90 ശതമാനവും പലിശ ലഭിക്കും.