സിനിമയിലെ മനം മയക്കുന്ന ഗ്ലാമറസ് ജീവിതം ഉപേക്ഷിച്ചതായി ഭോജ്പുരി നടി സഹർ അഫ്ഷ. സൈറ വസീമിനും സന ഖാനും പിന്നാലെ സിനിമ ജീവിതം ഉപേക്ഷിച്ച് മതപരമായ പാതയിലേക്ക് ചേക്കേറിയിരിക്കുകയാണ് സഹർ അഫ്‌ഷയും. തന്റെ ഇൻസ്റ്റാഗ്രാം അക്കൗണ്ടിലൂടെയാണ് താരം ഇക്കാര്യം ആരാധകരെ അറിയിച്ചിരിക്കുന്നത്. കലയെക്കാൾ മതം ഇഷ്ടപ്പെടുന്ന ആദ്യത്തെ നടിയല്ല സഹർ. താൻ സിനിമാ ലോകം ഉപേക്ഷിക്കുകയാണെന്നും ഇനി സിനിമയിൽ തനിക്കൊന്നും ചെയ്യാനില്ലെന്നും സഹർ പറയുന്നു.
‘ഞാൻ സിനിമാ വ്യവസായം ഉപേക്ഷിക്കാൻ തീരുമാനിച്ചു. ഇനി അതുമായി എനിക്കൊരു ബന്ധവുമില്ല. ഇക്കാര്യം നിങ്ങളോട് പറയാൻ ഞാൻ ആഗ്രഹിക്കുന്നു. ഇസ്‌ലാമിക പ്രബോധനങ്ങൾക്കും അല്ലാഹുവിന്റെ നിയമങ്ങൾക്കും അനുസൃതമായി ഞാൻ ഇനി എന്റെ ജീവിതകാലം മുഴുവൻ ചെലവഴിക്കും. കഴിഞ്ഞ കാലത്ത് എന്റെ ജീവിതത്തിൽ ഞാൻ ജീവിച്ചിരുന്ന രീതിയെ ഓർത്ത് ഞാൻ അല്ലാഹുവിനോട് ക്ഷമ ചോദിക്കുന്നു’, സഹർ ഇൻസ്റ്റഗ്രാമിൽ കുറിച്ചു.
‘ഞാൻ അല്ലാഹുവിനു മുന്നിൽ പശ്ചാത്തപിക്കുന്നു. ഞാൻ അല്ലാഹുവിനോട് പാപമോചനം തേടുകയാണ്. ഞാൻ യാദൃശ്ചികമായാണ് ഈ രംഗത്തേക്ക് വന്നത്. എന്നാൽ ഇപ്പോൾ എല്ലാം അവസാനിപ്പിക്കാൻ തീരുമാനിച്ചു. അടുത്ത ജീവിതം അല്ലാഹുവിന്റെ നാമത്തിലായിരിക്കും. ഗ്ലാമറസ് ജീവിതം ഉപേക്ഷിച്ച് ഇനി നടക്കാൻ പോകുന്നത് അള്ളാഹു കാണിച്ചു തന്ന വഴിയിലൂടെ മാത്രമാണ്’, നടിയുടെ കുറിപ്പ് ഇങ്ങനെയായിരുന്നു.
2018-ൽ കർത്താ-കർമ-ക്രിയ എന്ന തെലുങ്ക് ചിത്രത്തിലൂടെയാണ് സഹർ തന്റെ സിനിമാ ജീവിതം ആരംഭിച്ചത്. 2020-ൽ നടൻ ഖേസരി ലാൽ യാദവിനൊപ്പം മെഹന്ദി ലഗാ കെ രക്ന 3 എന്ന ചിത്രത്തിലൂടെയാണ് സഹർ അഫ്ഷ ഭോജ്പുരി ചലച്ചിത്രമേഖലയിൽ അരങ്ങേറ്റം കുറിച്ചത്. അതേ വർഷം, സഹർ അഫ്ഷ അടുത്തതായി ഒരു ആക്ഷൻ-ഡ്രാമ ചിത്രമായ ‘ഘട്ടക്’ റൊമാൻസിംഗ് നടൻ പവൻ സിങ്ങിലും അഭിനയിച്ചു.
View this post on Instagram
Post Your Comments