ഇന്ത്യയിലെ ഏറ്റവും പ്രായം കുറഞ്ഞ സമ്പന്നർ – Zepto സ്ഥാപകർ, നേട്ടം 19 ആം വയസ്സിൽ

ന്യൂഡൽഹി: ഇന്ത്യയിലെ ഏറ്റവും പ്രായം കുറഞ്ഞ പണക്കാരൻ ആയി തിരഞ്ഞെടുക്കപ്പെട്ടത് Zepto സ്ഥാപകർ. ഐഐഎഫ്എൽ വെൽത്ത് ഹുറുൺ ഇന്ത്യ റിച്ച് ലിസ്റ്റ് 2022 പ്രകാരമാണ് സെപ്‌റ്റോ സ്ഥാപകൻ കൈവല്യ വോഹ്‌റ പ്രായം കുറഞ്ഞ സമ്പന്നനായി തിരഞ്ഞെടുക്കപ്പെട്ടത്. ഇയാളുടെ കൂട്ടാളി ആദിത്യ പാലിച്ചയും ലിസ്റ്റിൽ ഇടം പിടിച്ചിട്ടുണ്ട്. സ്റ്റാൻഫോർഡ് യൂണിവേഴ്സിറ്റി ഡ്രോപ്പ്ഔട്ടുകളായ യുവാക്കൾ 2021-ൽ ആണ് Zepto സ്ഥാപിച്ചത്. അന്ന് അവർക്ക് വെറും 19 വയസ്സ് മാത്രമായിരുന്നു പ്രായം.

ഗ്രോസറി ഓൺലൈൻ പ്ലാറ്റ്‌ഫോമായ Zepto ഇപ്പോൾ $900 മില്യൺ മൂല്യമുള്ള വലിയ വിജയം നേടിയിട്ടുണ്ട്. 90 കാലിൽ ജനിച്ച 13 പേർ ഈ പട്ടികയിൽ ഇടംപിടിച്ചു. ബെംഗളൂരു ആസ്ഥാനമായുള്ള പലചരക്ക് ഡെലിവറി ആപ്പായ സെപ്‌റ്റോയുടെ നിർമ്മാതാവ് കൈവല്യ വോഹ്‌റയാണ് ലിസ്റ്റിലെ ഒന്നാമൻ. ഏകദേശം 1000 കോടി രൂപയാണ് വോറയുടെ ആസ്തി. സമ്പന്നരുടെ പട്ടികയിൽ 1,036-ാം സ്ഥാനത്താണ് അദ്ദേഹം. 1200 കോടി രൂപയുടെ ആസ്തിയുമായി ആദിത്യ സമ്പന്നരുടെ പട്ടികയിൽ 950-ാം സ്ഥാനത്താണ്.

Y Combinator Continuity, Kaiser Permanente, Nexus Venture Partners, Glade Brook Capital, Lachy Groom എന്നിവയുൾപ്പെടെയുള്ള ആഗോള നിക്ഷേപകരിൽ നിന്ന് 200 ദശലക്ഷം ഡോളർ സീരീസ്-ഡി ഫണ്ട് സമാഹരണത്തിന് ശേഷം 900 ദശലക്ഷം ഡോളർ മൂല്യമുള്ള ഇന്ത്യയിലെ അതിവേഗം വളരുന്ന ഇ-ഗ്രോസറി കമ്പനിയാണ് Zepto. 1000-ത്തിലധികം ജീവനക്കാർ ഈ സ്ഥാപനത്തിനുണ്ട്. രാജ്യത്തെ 10 പ്രധാന നഗരങ്ങളിൽ സെപ്‌റ്റോ ഉണ്ട്.

പുതിയ പഴങ്ങളും പച്ചക്കറികളും, ദൈനംദിന പാചക അവശ്യവസ്തുക്കൾ, പാലുൽപ്പന്നങ്ങൾ, ആരോഗ്യ-ശുചിത്വ ഉൽപ്പന്നങ്ങൾ മുതലായവ ഉൾപ്പെടെ 3000-ലധികം ഉൽപ്പന്നങ്ങൾ ഇവർ വിതരണം ചെയ്യുന്നു. 10 മിനിറ്റിനുള്ളിൽ വീടുകളിലേക്ക് സാധനങ്ങൾ എത്തിക്കും. ശക്തമായ സാങ്കേതിക കഴിവുകൾ, കാര്യക്ഷമമായ ബിസിനസ്സ് മോഡൽ, അതിന്റെ 10 ലൊക്കേഷനുകളിലുടനീളമുള്ള ഉയർന്ന ഒപ്റ്റിമൈസ് ചെയ്ത ഡെലിവറി സെന്ററുകളുടെ ശൃംഖല എന്നിവയിലൂടെ,ഇന്ത്യൻ ഗ്രോസറി വിഭാഗത്തിൽ വിപ്ലവം സൃഷ്ടിക്കുകയാണ് കമ്പനി.