രാജ്യത്തെ ചൈൽഡ് പോണോഗ്രാഫി കേസുകളിൽ 17 മടങ്ങ് വർധന: മുന്നിൽ യുപിയും കേരളവും

ട്വിറ്റർ പോലുള്ള സോഷ്യൽ മീഡിയ പ്ലാറ്റ്‌ഫോമുകളിൽ കുട്ടികളുടെ അശ്ലീല വീഡിയോകൾ 20 രൂപയ്ക്ക് ലഭ്യമാണെന്ന് ഡൽഹി വനിതാ കമ്മീഷൻ മേധാവി സ്വാതി മലിവാൾ. ഇത്തരത്തിൽ ബലാത്സംഗവും കുട്ടികളുമായുള്ള ലൈംഗിക പ്രവർത്തനങ്ങളും, ഉൾപ്പെടുന്ന നിരവധി ട്വീറ്റുകൾ ഉള്ളതായും സ്വാതി മലിവാൾ വ്യക്തമാക്കി.

ചൈൽഡ് പോണോഗ്രാഫിയെക്കുറിച്ചുള്ള ചിന്ത തന്നെ വെറുപ്പുളവാക്കുന്നതാണെങ്കിലും, കഴിഞ്ഞ കുറച്ച് വർഷങ്ങളായി ഇത്തരം കേസുകളിൽ വൻതോതിലുള്ള വർദ്ധനവിന് ഇന്ത്യ സാക്ഷ്യം വഹിച്ചു എന്നതാണ് വസ്തുത. ലോക്‌സഭയുടെ കണക്കുകൾ പ്രകാരം, കുട്ടികളുടെ അശ്ലീലസാഹിത്യ കേസുകൾ 2018ലെ 44ൽ നിന്ന് 2020ൽ 738ലേക്ക് ഉയർന്നു. പകർച്ചവ്യാധിയുടെ സമയത്ത് 1,600 ശതമാനം വർദ്ധനവാണ് ഉണ്ടായത്. ഇതേ കാലയളവിൽ അറസ്റ്റുകൾ 36ൽ നിന്ന് 372 ആയി ഉയർന്നു.

ഓർത്തഡോക്സ്, യാക്കോബായ സഭാതർക്കം: ഇരു വിഭാഗങ്ങളുമായി ചർച്ച നടത്താൻ തീരുമാനിച്ച് സർക്കാർ

2018 നും 2020 നും ഇടയിൽ 194 കേസുകളുള്ള ഉത്തർപ്രദേശിലാണ് രാജ്യത്ത് ഏറ്റവും കൂടുതൽ ഇത്തരം സംഭവങ്ങൾ രേഖപ്പെടുത്തിയത്. കേരളം (146), മഹാരാഷ്ട്ര (129), കർണാടക (126) എന്നീ സംസ്ഥാനങ്ങളാണ് യുപിക്ക് പിന്നിൽ. എന്നാൽ, അറസ്റ്റിന്റെ കാര്യത്തിൽ കേരളത്തിന് മറ്റുള്ളവരേക്കാൾ മികച്ച റെക്കോർഡാണ് (139) ഉള്ളത്. ജാർഖണ്ഡിലും ജമ്മു കശ്മീരിലും കുട്ടികളുടെ അശ്ലീല കേസുകൾ റിപ്പോർട്ട് ചെയ്യപ്പെട്ടിട്ടില്ല.