അഭ്യൂഹങ്ങൾക്ക് വിട, ഐഫോൺ 14 പുറത്തിറക്കുന്ന തീയതി പ്രഖ്യാപിച്ച് ആപ്പിൾ

നീണ്ട അഭ്യൂഹങ്ങൾക്കൊടുവിൽ ഐഫോൺ 14 നുമായി ബന്ധപ്പെട്ട പുതിയ അറിയിപ്പ് പുറത്തിറക്കിയിരിക്കുകയാണ് ആപ്പിൾ. സെപ്തംബർ മാസത്തിൽ ഐഫോൺ 14 വിപണിയിൽ അവതരിപ്പിക്കുമെന്ന് പ്രഖ്യാപിച്ചെങ്കിലും കൃത്യമായ തീയതിയെ കുറിച്ച് വ്യക്തത വരുത്തിയിരുന്നില്ല. റിപ്പോർട്ടുകൾ പ്രകാരം, സെപ്തംബർ 7 നാണ് ഐഫോൺ 14 ഔദ്യോഗികമായി പുറത്തിറക്കുക.

ഐഫോണിന് പുറമേ, ആപ്പിളിന്റെ മറ്റ് ഉപകരണങ്ങളുടെ ലോഞ്ചും പ്രതീക്ഷിക്കുന്നുണ്ട്. ഇന്ത്യൻ സമയം രാത്രി 10.30 നാണ് ലോഞ്ചുമായി ബന്ധപ്പെട്ട ഇവന്റ് ആരംഭിക്കുക. ആപ്പിൾ.കോം, ആപ്പിൾ ടിവി ആപ്പ് എന്നീ പ്ലാറ്റ്ഫോമുകൾ മുഖാന്തരം ആപ്പിൾ 14 പുറത്തിറങ്ങുന്നത് തൽസമയം കാണാനുളള സംവിധാനം ഒരുക്കിയിട്ടുണ്ട്. നിലവിൽ, ഐഫോൺ 14 നുമായി ബന്ധപ്പെട്ട് അഭ്യൂഹങ്ങൾ പ്രചരിക്കുന്നുണ്ടെങ്കിലും ഫോണിന്റെ ഫീച്ചറുകൾ സംബന്ധിച്ച  വിവരങ്ങൾ ആപ്പിൾ ഇതുവരെ വെളിപ്പെടുത്തിയിട്ടില്ല.

Also Read: കോവിഡ്: യുഎഇയിൽ ഇന്ന് സ്ഥിരീകരിച്ചത് 593 കേസുകൾ