ഇത്തവണ ഗംഭീര ഓഫറുകളുമായി ഓണത്തെ വരവേൽക്കാൻ ഒരുങ്ങുകയാണ് ഡീലേഴ്സ് അസോസിയേഷൻ ഓഫ് ടിവി ആൻഡ് അപ്ലയൻസസ് (ഡാറ്റ). ഓണാഘോഷത്തിന്റെ ഭാഗമായി ഒരുകോടിലേറെ രൂപയുടെ ഗൃഹോപകരണങ്ങളാണ് ഡാറ്റ സ്മാർട്ട് ഫെസ്റ്റ് ഓണം- 2022 ന്റെ ഭാഗമായി ഉപഭോക്താക്കൾക്ക് നൽകുന്നത്. ഡിസംബർ 31 വരെയാണ് സമ്മാന പദ്ധതിയിലെ ആനുകൂല്യങ്ങൾ ലഭിക്കുക.
ഡാറ്റ കേരളയുടെ 25-ാം വാർഷികാഘോഷങ്ങളുടെ ഭാഗമായാണ് ഇത്തവണ ഫെസ്റ്റ് സംഘടിപ്പിക്കുന്നത്. നറുക്കെടുപ്പിലൂടെ വിജയിക്കുന്ന ഭാഗ്യശാലികൾക്ക് കാറും ബൈക്കും സമ്മാനമായി നൽകുന്നുണ്ട്. അസോസിയേഷനിൽ അംഗമായ 1,400 ഓളം ഗൃഹോപകരണ വിതരണക്കാർ ഫെസ്റ്റിന്റെ ഭാഗമാകുന്നുണ്ട്.
Also Read: ഇന്ത്യയ്ക്ക് യുഎസിന്റെ സവിശേഷമായ അംഗീകാരം
സമ്മാന പദ്ധതികൾക്ക് പുറമേ, ഉൽപ്പന്നങ്ങൾക്ക് എക്സ്റ്റൻഡഡ് വാറന്റി, കമ്പനി ഓഫറുകൾ, ഡിസ്കൗണ്ട് ആനുകൂല്യങ്ങൾ എന്നിവയും ലഭ്യമാണ്. ബോബി ചെമ്മണൂറാണ് പദ്ധതിയുടെ സംസ്ഥാനതല ഉദ്ഘാടനം നിർവഹിച്ചത്.
Post Your Comments