സ്വാതന്ത്ര്യ സമര സേനാനിയും ഉറച്ച ഗാന്ധിയനുമായ പിംഗളി വെങ്കയ്യയാണ് 1921-ൽ ഇന്ത്യൻ ദേശീയ പതാകയുടെ അടിസ്ഥാന രൂപകൽപ്പന ആദ്യമായി തയ്യാറാക്കിയത്. ഇന്ന് അദ്ദേഹത്തിന്റെ 146-ാം ജന്മവാർഷികത്തിൽ തപാൽ സ്റ്റാമ്പ് പുറത്തിറക്കി കേന്ദ്രം അദ്ദേഹത്തെ ആദരിക്കുന്നു. ചടങ്ങിൽ പിംഗളി രൂപകൽപ്പന ചെയ്ത യഥാർത്ഥ പതാക പ്രദർശിപ്പിക്കുമെന്ന് അധികൃതർ വെളിപ്പെടുത്തി. രാജ്യതലസ്ഥാനത്ത് നടക്കുന്ന പരിപാടിയിലേക്ക് പിംഗളിയുടെ കുടുംബാംഗങ്ങളെ കേന്ദ്രസർക്കാർ ക്ഷണിച്ചിരുന്നു.
ആരായിരുന്നു പിംഗലി വെങ്കയ്യ?
1876 ഓഗസ്റ്റ് 2 ന് ആന്ധ്രാപ്രദേശിലെ മച്ചിലിപട്ടണത്തിന് സമീപം ജനിച്ച പിംഗളി ദേശീയ പതാകയുടെ നിരവധി മാതൃകകൾ രൂപകൽപ്പന ചെയ്തിട്ടുണ്ട്. ഒരു തീക്ഷ്ണ സ്വാതന്ത്ര്യ സമര സേനാനി ആയിരുന്ന പിംഗളി വെങ്കയ്യ, സ്വതന്ത്ര ഇന്ത്യയുടെ ആത്മാവിന്റെ പര്യായമായി മാറി. മദ്രാസിലെ ഹൈസ്കൂൾ പഠനം പൂർത്തിയാക്കിയ ശേഷം, അദ്ദേഹം കേംബ്രിഡ്ജ് സർവ്വകലാശാലയിൽ പോയി ഉന്നത പഠനം നടത്തി.
വീട്ടുവളപ്പിൽ കഞ്ചാവുകൃഷി നടത്തിയ ആൾ അറസ്റ്റിൽ
1899-1902 കാലഘട്ടത്തിലെ രണ്ടാം ബോയർ യുദ്ധത്തിൽ, ബ്രിട്ടീഷ് ഇന്ത്യൻ ആർമി സൈനികനായി പോരാടാൻ വെങ്കയ്യയെ ദക്ഷിണാഫ്രിക്കയിലേക്ക് അയച്ചു. ബ്രിട്ടീഷ് പട്ടാളക്കാർക്കിടയിൽ ബ്രിട്ടീഷ് ദേശീയ പതാകയെ സല്യൂട്ട് ചെയ്തപ്പോഴാണ് ദേശീയ പതാകയെക്കുറിച്ചുള്ള ബോധം അദ്ദേഹത്തെ ബാധിച്ചത്. സൈനികർക്ക് ബ്രിട്ടീഷ് ദേശീയ പതാക സല്യൂട്ട് ചെയ്യേണ്ടി വന്നപ്പോൾ അത് അദ്ദേഹത്തിന്റെ മനസ്സിൽ തങ്ങിനിന്നു. ഈ സംഭവം ഇന്ത്യയ്‌ക്കായി ഒരു ദേശീയ പതാക രൂപകൽപ്പന ചെയ്യാൻ അദ്ദേഹത്തെ പ്രേരിപ്പിക്കുകയായിരുന്നു.
ഈ കാലയളവിലാണ് അദ്ദേഹം മഹാത്മാഗാന്ധിയെ ആഫ്രിക്കയിൽ കണ്ടുമുട്ടിയത്. തുടർന്ന്, അദ്ദേഹം ഒരു ഉറച്ച ഗാന്ധിയനായി മാറുകയും ഗാന്ധിയുടെ ആദർശങ്ങൾ പിന്തുടരുകയും ചെയ്തു. വെങ്കയ്യ ഒരു ഗാന്ധിയൻ സൈദ്ധാന്തികനായിരുന്നു. അദ്ദേഹം ഒരു ഭാഷാപണ്ഡിതനും ഭൂമിശാസ്ത്രജ്ഞനും എഴുത്തുകാരനുമായിരുന്നു.
1916ൽ അദ്ദേഹം ഇന്ത്യൻ പതാകയുടെ മുപ്പത് ഡിസൈനുകൾ ഉൾപ്പെടുന്ന ഒരു പുസ്തകവും പ്രസിദ്ധീകരിച്ചു. ഇന്ന് നാം കാണുന്ന ദേശീയ പതാക അദ്ദേഹത്തിന്റെ രൂപകൽപ്പനയെ അടിസ്ഥാനമാക്കിയുള്ളതാണ്. 1921ൽ വിജയവാഡയിൽ നടന്ന ഇന്ത്യൻ നാഷണൽ കോൺഗ്രസ് യോഗത്തിൽ മഹാത്മാഗാന്ധി വെങ്കയ്യയുടെ രൂപരേഖ അംഗീകരിച്ചു.
Post Your Comments