പാലക്കാട് രണ്ടിടങ്ങളിലായി ഉണ്ടായ വാഹനപകടത്തിൽ ഒരു മരണം

പാലക്കാട്: പാലക്കാട് ദേശിയപാതയിൽ രണ്ടിടങ്ങളിലായി വാഹനാപകടം. വാഹനപകടത്തിൽ ഒരു മരണം സ്ഥിരീകരിച്ചു. ദേശീയ പാതയിൽ അണക്കപ്പാറ ചീകോട് ഉണ്ടായ അ‌പകടത്തിൽ ആണ് ഒരാൾ മരിച്ചത്. കാൽനട യാത്രക്കാരനായ നെല്ലിപ്പറമ്പ് വീട്ടിൽ കൃഷ്ണൻ ആണ് ലോറി ഇടിച്ചു മരിച്ചത്. ഗുരുതരമായി പരുക്കേറ്റ കൃഷ്ണനെ ഉടൻ ആലത്തൂർ താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാൻ ആയില്ല.

ദേശീയപാതയിൽ തന്നെ വടക്കഞ്ചേരി മേൽപ്പാലത്തിൽ ആണ് രണ്ടാമത്തെ അപകടം നടന്നത്. ബൈക്ക് യാത്രികനെ കാർ ഇടിച്ചു തെറിപ്പിക്കുകയായിരുന്നു. സരമായി പരുക്കേറ്റ ഇയാളെ തൃശ്ശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.