ശ്രീനഗര്‍: ജമ്മു കശ്മീരിലെ അവന്തിപ്പോരയിലെ വണ്ടക്പോര മേഖലയില്‍ തിങ്കളാഴ്ചയുണ്ടായ ഏറ്റുമുട്ടലില്‍ സുരക്ഷാ സേന രണ്ട് ഭീകരരെ വധിച്ചു. ഏറ്റുമുട്ടലില്‍ ഭീകരന്‍ കൈസര്‍ കോക്കയേയും മറ്റൊരു ഭീകരനേയുമാണ് സൈന്യം വധിച്ചത്. എന്നാല്‍, കൊല്ലപ്പെട്ട രണ്ടാമത്തെ ഭീകരനെ തിരിച്ചറിയാന്‍ സാധിച്ചിട്ടില്ല. കൊല്ലപ്പെട്ട ഭീകരരില്‍ നിന്ന് യുഎസ് നിര്‍മ്മിത റൈഫിള്‍ (എം-4 കാര്‍ബൈന്‍), പിസ്റ്റള്‍ എന്നിവയുള്‍പ്പെടെ ആയുധങ്ങളും വെടിക്കോപ്പുകളും സുരക്ഷാ സേന കണ്ടെടുത്തു.
Read Also: ഗുജറാത്തിലെ വെള്ളപ്പൊക്കം: രക്ഷാപ്രവർത്തനത്തിൽ സമ്പൂർണ്ണ സഹകരണം പ്രഖ്യാപിച്ച് പ്രധാനമന്ത്രി
ജമ്മു കശ്മീര്‍ പോലീസും സുരക്ഷാ സേനയും സംയുക്തമായാണ് ഭീകരര്‍ക്കു വേണ്ടിയുള്ള തിരച്ചില്‍ നടത്തിയത്. ഇതിനിടെ, തില്‍ഗാം പയീന്‍ സ്വദേശി മുഹമ്മദ് ഇഖ്ബാല്‍ ഭട്ട് എന്ന ഭീകരനെ ബാരാമുള്ളയിലെ ക്രീരി മേഖലയിലെ ചെക്ക് പോയിന്റില്‍ വെച്ച് അറസ്റ്റ് ചെയ്തു.
ക്രീരി മേഖലയിലെ പരിശോധനയ്ക്കിടെ ലഷ്‌കര്‍-ഇ-തൊയ്ബ (എല്‍ഇടി) സംഘടനയിലെ ഒരു ഭീകരനെ ആയുധങ്ങളും വെടിക്കോപ്പുകളും സഹിതം പിടികൂടിയതായി പോലീസ് അറിയിച്ചു.
ഒരു പിസ്റ്റള്‍, ഒരു പിസ്റ്റള്‍ മാഗസിന്‍, 7 റൗണ്ട് പിസ്റ്റള്‍ വെടിയുണ്ടകള്‍ എന്നിവയുള്‍പ്പെടെ ഭീകരനില്‍ നിന്ന് കണ്ടെടുത്തു.
Post Your Comments