സമ്പൽ സമൃദ്ധി നൽകുന്ന അഷ്ടലക്ഷ്മീ സ്തോത്രം

॥ ആദിലക്ഷ്മീ ॥

സുമനസവന്ദിത സുന്ദരി മാധവി
ചന്ദ്ര സഹോദരി ഹേമമയേ ।
മുനിഗണമണ്ഡിത മോക്ഷപ്രദായിനി
മഞ്ജുളഭാഷിണി വേദനുതേ ॥
പങ്കജവാസിനി ദേവസുപൂജിത
സദ്ഗുണവര്‍ഷിണി ശാന്തിയുതേ ।
ജയജയ ഹേ മധുസൂദന കാമിനി
ആദിലക്ഷ്മി സദാ പാലയ മാം ॥ 1॥

॥ ധാന്യലക്ഷ്മീ ॥

അഹികലി കല്‍മഷനാശിനി കാമിനി
വൈദികരൂപിണി വേദമയേ ।
ക്ഷീരസമുദ്ഭവ മങ്ഗലരൂപിണി
മന്ത്രനിവാസിനി മന്ത്രനുതേ ॥
മങ്ഗലദായിനി അംബുജവാസിനി
ദേവഗണാശ്രിത പാദയുതേ ।
ജയജയ ഹേ മധുസൂദന കാമിനി
ധാന്യലക്ഷ്മി സദാ പാലയ മാം ॥ 2॥

॥ ധൈര്യലക്ഷ്മീ ॥

ജയവരവര്‍ണിനി വൈഷ്ണവി ഭാര്‍ഗവി
മന്ത്രസ്വരൂപിണി മന്ത്രമയേ ।
സുരഗണപൂജിത ശീഘ്രഫലപ്രദ
ജ്ഞാനവികാസിനി ശാസ്ത്രനുതേ ॥
ഭവഭയഹാരിണി പാപവിമോചനി
സാധുജനാശ്രിത പാദയുതേ ।
ജയജയ ഹേ മധുസൂദന കാമിനി
ധൈര്യലക്ഷ്മി സദാ പാലയ മാം ॥ 3॥

॥ ഗജലക്ഷ്മീ ॥

ജയജയ ദുര്‍ഗതിനാശിനി കാമിനി
സര്‍വഫലപ്രദ ശാസ്ത്രമയേ ।
രഥഗജ തുരഗപദാദി സമാവൃത
പരിജനമണ്ഡിത ലോകനുതേ ॥
ഹരിഹര ബ്രഹ്മ സുപൂജിത സേവിത
താപനിവാരിണി പാദയുതേ ।
ജയജയ ഹേ മധുസൂദന കാമിനി
ഗജലക്ഷ്മി രൂപേണ പാലയ മാം ॥ 4॥

॥ സന്താനലക്ഷ്മീ ॥

അഹിഖഗ വാഹിനി മോഹിനി ചക്രിണി
രാഗവിവര്‍ധിനി ജ്ഞാനമയേ ।
ഗുണഗണവാരിധി ലോകഹിതൈഷിണി
സ്വരസപ്ത ഭൂഷിത ഗാനനുതേ ॥
സകല സുരാസുര ദേവമുനീശ്വര
മാനവവന്ദിത പാദയുതേ ।
ജയജയ ഹേ മധുസൂദന കാമിനി
സന്താനലക്ഷ്മി ത്വം പാലയ മാം ॥ 5॥

॥ വിജയലക്ഷ്മീ ॥

ജയ കമലാസനി സദ്ഗതിദായിനി
ജ്ഞാനവികാസിനി ഗാനമയേ ।
അനുദിനമര്‍ചിത കുങ്കുമധൂസര-
ഭൂഷിത വാസിത വാദ്യനുതേ ॥
കനകധരാസ്തുതി വൈഭവ വന്ദിത
ശങ്കര ദേശിക മാന്യ പദേ ।
ജയജയ ഹേ മധുസൂദന കാമിനി
വിജയലക്ഷ്മി സദാ പാലയ മാം ॥ 6॥

॥ വിദ്യാലക്ഷ്മീ ॥

പ്രണത സുരേശ്വരി ഭാരതി ഭാര്‍ഗവി
ശോകവിനാശിനി രത്നമയേ ।
മണിമയഭൂഷിത കര്‍ണവിഭൂഷണ
ശാന്തിസമാവൃത ഹാസ്യമുഖേ ॥
നവനിധിദായിനി കലിമലഹാരിണി
കാമിത ഫലപ്രദ ഹസ്തയുതേ ।
ജയജയ ഹേ മധുസൂദന കാമിനി
വിദ്യാലക്ഷ്മി സദാ പാലയ മാം ॥7॥

॥ ധനലക്ഷ്മീ ॥

ധിമിധിമി ധിംധിമി ധിംധിമി ധിംധിമി
ദുന്ദുഭി നാദ സുപൂര്‍ണമയേ ।
ഘുമഘുമ ഘുംഘുമ ഘുംഘുമ ഘുംഘുമ
ശങ്ഖനിനാദ സുവാദ്യനുതേ ॥
വേദപുരാണേതിഹാസ സുപൂജിത
വൈദികമാര്‍ഗ പ്രദര്‍ശയുതേ ।
ജയജയ ഹേ മധുസൂദന കാമിനി
ധനലക്ഷ്മി രൂപേണ പാലയ മാം ॥ 8॥