ന്യൂഡല്‍ഹി: റോഡ് മുറിച്ചുകടക്കാന്‍ സഹായം ചോദിച്ച യുവതിയെ, പീഡിപ്പിച്ച സംഭവത്തില്‍ യുവാവ് അറസ്റ്റിലായി. ന്യൂഡല്‍ഹിയിലെ ദ്വാരകയിലാണ് സംഭവം. കാഴ്ച പരിമിതിയുള്ള 20 വയസുള്ള യുവതിയാണ് പീഡനത്തിന് ഇരയായത്.
Read Also: ചേർത്തലയിലെ നവവധുവിന്റെ മരണം കൊലപാതകമെന്ന് കണ്ടെത്തൽ
‘റോഡ് കടക്കാന്‍ സഹായം അഭ്യര്‍ത്ഥിച്ചപ്പോള്‍ ഇടവഴിയിലേയ്ക്ക് യുവതിയെ പിടിച്ചുകൊണ്ടുപോകുകയും അവിടെ വെച്ച് പ്രതി യുവതിയെ ബലാത്സംഗത്തിന് ഇരയാക്കുകയുമായിരുന്നു. ഓടി രക്ഷപ്പട്ട യുവതി ബസില്‍ വീട്ടിലെത്തി. തുടര്‍ന്ന്, യുവതിയെ ആശുപത്രിയില്‍ ചികിത്സയ്ക്ക് വിധേയമാക്കി.
ആശുപത്രിയില്‍ നിന്ന് റിപ്പോര്‍ട്ട് ലഭിച്ച ശേഷം, പ്രതിക്കെതിരെ പൊലീസ് കേസ് എടുത്തു. സാങ്കേതിക തെളിവുകളുടെ അടിസ്ഥാനത്തില്‍ പ്രതിയെ അറസ്റ്റ് ചെയ്യുകയായിരുന്നു. ഡല്‍ഹി വനിതാ കമ്മീഷന്‍ അധ്യക്ഷ സ്വാതി മാലിവാള്‍ പെണ്‍കുട്ടിയെ ഓഫീസില്‍ വിളിപ്പിക്കുകയും, എല്ലാവിധത്തിലുള്ള സഹായം ഉണ്ടാകുമെന്ന് ഉറപ്പ് നല്‍കുകയും ചെയ്തു.
Post Your Comments