ന്യൂഡല്‍ഹി: രാജ്യത്ത് നടക്കാനിരിക്കുന്ന ജനസംഖ്യാ സെന്‍സസ് രൂപം മാറുന്നു. അടുത്ത 25 വര്‍ഷത്തേക്കുള്ള നയങ്ങള്‍ രൂപീകരിക്കുന്ന ‘ഇ-സെന്‍സസാ’യിരിക്കുമെന്ന് ഇനി വരുന്നതെന്ന് കേന്ദ്ര ആഭ്യന്തര മന്ത്രി അമിത് ഷാ അറിയിച്ചു.
ഇ-സെന്‍സസ് ആരംഭിക്കുമ്പോള്‍, അതില്‍ എല്ലാ വിശദാംശങ്ങളും ഓണ്‍ലൈനില്‍ ആദ്യം പൂരിപ്പിക്കുന്നത് താനും തന്റെ കുടുംബവുമായിരിക്കുമെന്നും അമിത് ഷാ പറഞ്ഞു. അസമിലെ അമിങ്ഗാവോനില്‍ സെന്‍സസ് ഓഫീസ് ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.
‘സെന്‍സസ് കൂടുതല്‍ ശാസ്ത്രീയമാക്കാന്‍ ആധുനിക സാങ്കേതിക വിദ്യകള്‍ ഉള്‍പ്പെടുത്താന്‍ ആഭ്യന്തര മന്ത്രാലയം തീരുമാനിച്ചു. അടുത്ത സെന്‍സസ് ഇ-സെന്‍സസായിരിക്കും. ഇത് 100% തികഞ്ഞ സെന്‍സസായിരിക്കും,’ കേന്ദ്ര ആഭ്യന്തര മന്ത്രി വ്യക്തമാക്കി.
2024-ഓടെ രാജ്യത്തെ എല്ലാ ജനന-മരണങ്ങളും സെന്‍സസുമായി ബന്ധിപ്പിക്കും. അത് ഓട്ടോമാറ്റിക്കായി അപ്ഡേറ്റ് ചെയ്യുമെന്നും അദ്ദേഹം കൂട്ടിച്ചേര്‍ത്തു.
Post Your Comments