ഈദ് ഉൽ ഫിത്തർ ആഘോഷം : കുടുംബസമേതമുള്ള ചിത്രം പങ്കുവെച്ച് ദുബായ് കിരീടാവകാശി

ദുബായ്: ദുബായ് ഭരണാധികാരിയും യുഎഇയുടെ പ്രധാനമന്ത്രിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ കുടുംബസമേതമുള്ള ചിത്രം പങ്കുവെച്ച് ദുബായ് കിരീടാവകാശി.

ചിത്രത്തിൽ, ദുബായ് ഭരണാധികാരിയെയും, ചുറ്റും അദ്ദേഹത്തിന്റെ കുടുംബത്തിലെ 23 യുവ അംഗങ്ങളെയും കാണാൻ സാധിക്കും. ഈദ് ഉൽ ഫിത്തർ ആഘോഷവേളയിൽ എടുത്തതെന്ന് അനുമാനിക്കപ്പെടുന്ന ചിത്രം രണ്ടു ദിവസം മുൻപാണ് സോഷ്യൽ മീഡിയയിൽ വൈറലായത്.

ദുബായുടെ കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമാണ് തന്റെ ഇൻസ്റ്റഗ്രാം അക്കൗണ്ടിലൂടെ ഈ ചിത്രം പുറത്തു വിട്ടത്. നല്ലൊരു കവിയും സാഹിത്യകാരനുമായ ഹംദാൻ, സോഷ്യൽ മീഡിയയിൽ സജീവമാണ്. ‘ഫാസ’ എന്ന തൂലികാ നാമത്തിൽ അദ്ദേഹം എഴുതുന്ന കവിതകൾ ലോകപ്രശസ്തമാണ്. ദിവസങ്ങൾക്കു മുമ്പ്, അബുദാബി കിരീടാവകാശിയും യുഎഇ സായുധ സേനകളുടെ ഡെപ്യൂട്ടി സുപ്രീം കമാൻഡറുമായ ഷെയ്ഖ് മുഹമ്മദ് ബിൻ സായിദ് അൽ നഹ്യാനും തന്റെ പേരക്കുട്ടികളോടൊപ്പമുള്ള ചിത്രങ്ങൾ സോഷ്യൽ മീഡിയയിൽ പങ്കുവച്ചിരുന്നു.