പാലക്കാട്: സർക്കാർ ഓഫീസിൽ വനിതാ ജീവനക്കാരിയുടെ കോൽക്കളി പരിശീലനത്തിന്റെ വീഡിയോ പുറത്ത്. പാലക്കാട് ജിഎസ്ടി ഓഫീസിലാണ് കഴിഞ്ഞ ദിവസം 3 മണിക്ക് ജീവനക്കാരിയുടെ കോൽക്കളി പരിശീലനത്തിന്റെ വീഡിയോ പുറത്ത് വന്നത്. ഓഫീസിലെ എല്ലാ വനിതാ ജീവനക്കരും ഉച്ചകഴിഞ് ഒത്ത്കൂടി കോൽക്കളി പരിശീലനം നടത്തിയത്. എന്നാൽ ദൃശ്യങ്ങൾ പകർത്തുന്നത് കണ്ടതോടെ അവർ പരിശീലനം അവസാനിപ്പിച്ചു.
‘ഓഫീസ് സമയങ്ങളിൽ ജിഎസ്ടിയുമായി ബന്ധപ്പെട്ട് നൂറ് കണക്കിന് ഫയലുകളാണ് ഓഫീസിൽ തീർപ്പാകാതെ കെട്ടിക്കിടക്കുന്നത്. എന്നാൽ, ആ ഫയലുകൾ തീർപ്പാക്കാൻ ഉത്തരവാദിത്തപ്പെട്ട ഉദ്യോഗസ്ഥരാണ് അവരുടെ ജോലി ചെയ്യാൻ തയ്യാറാകാതെ കലാ പരിശീലനം ചെയ്യാൻ മാറ്റിവെക്കുന്നത്’- സാമൂഹ്യ പ്രവർത്തകൻ പറഞ്ഞു.
ഈ മാസം അവസാനം നടക്കാനിരിക്കുന്ന കുടുംബ മേളയിൽ അവതരിപ്പിക്കാനാണ് വനിതാ ജീവനക്കാർ കോൽക്കളി പരിശീലനം നടത്തിയത്. ഇതുമായി ബന്ധപ്പെട്ട് ജിഎസ്ടി വകുപ്പ് മേധാവിയോട് പ്രതികരണം ചോദിച്ചെങ്കിലും മറുപടിയൊന്നും ലഭിച്ചില്ല. ജീവനക്കാരുടെ അനാസ്ഥയ്‌ക്കെതിരെ സാമൂഹ്യ പ്രവർത്തകർ ജില്ലാ കളക്ടർക്ക് പരാതി നൽകിട്ടുണ്ട്.
Post Your Comments