പഠനയാത്രകൾക്കും വിനോദയാത്രകൾക്കും അനുമതി: മന്ത്രി ഡോ. ആർ ബിന്ദു

സംസ്ഥാനത്തെ പ്രൊഫെഷണൽ കോളേജുകളടക്കമുള്ള ഉന്നതവിദ്യാഭ്യാസ സ്ഥാപനങ്ങളിലെ വിദ്യാർത്ഥികൾക്ക് പഠനയാത്രകളും വിനോദയാത്രകളും നടത്താൻ അനുമതി നൽകുകയാണെന്ന് ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആർ ബിന്ദു അറിയിച്ചു.

ഇക്കാര്യത്തിൽ ഉത്തരവ് പുറത്തിറങ്ങി. യാത്രാവേളയിൽ മാസ്‌ക്, സാനിറ്റൈസർ തുടങ്ങി കോവിഡ് പ്രോട്ടോക്കോൾ അനുസരിച്ചുള്ള നിബന്ധനകൾ പൂർണ്ണമായി പാലിക്കുന്നുണ്ടെന്ന് സ്ഥാപനമേധാവികൾ ഉറപ്പാക്കണമെന്ന് ഉത്തരവിൽ പറഞ്ഞു