രക്ഷാദൗത്യത്തിന് വീണ്ടും എയര്‍ ഇന്ത്യ: രണ്ട് വിമാനങ്ങള്‍ നാളെ റൊമാനിയയിലേക്ക്

ന്യൂഡൽഹി: യുക്രൈനിൽ കുടുങ്ങിയ ഇന്ത്യക്കാരെ നാട്ടിലെത്തിക്കാൻ രക്ഷാദൗത്യവുമായി എയർ ഇന്ത്യ. ശനിയാഴ്ച എയർ ഇന്ത്യയുടെ പ്രത്യേക വിമാനം രക്ഷാദൗത്യത്തിനായി റൊമാനിയയിലേക്ക് പുറപ്പെടും. യുക്രൈനിൽ കുടുങ്ങിയ ഇന്ത്യക്കാരെ റൊമാനിയയിൽ എത്തിച്ച്​ നാട്ടിലേക്ക്​ കൊണ്ടുവരികയാവും ചെയ്യുക.

യുക്രൈൻ തലസ്ഥാനമായ കീവിൽ നിന്നും റൊമാനിയയിലേക്ക്​ എത്തണമെങ്കിൽ 12 മണിക്കൂർ യാത്ര ചെയ്യണം. റൊമാനിയയുടെ അതിർത്തിയിൽ ഇന്ത്യൻ ഉദ്യോഗസ്ഥർ എത്തും. ഇതിനൊപ്പം മറ്റൊരു വിമാനം ഹംഗറിയിലേക്കും അയക്കാനും എയർ ഇന്ത്യ ശ്രമം തുടങ്ങിയിട്ടുണ്ട്​. ഈ രീതിയിൽ യുക്രൈ​നിലുള്ള ഇന്ത്യക്കാരെ മറ്റ്​​ രാജ്യങ്ങളിൽ എത്തിച്ച്​ നാട്ടിലേക്ക്​ കൊണ്ടുവരികയാവും ചെയ്യുക.

Read Also  :  ഉപരോധം വെറും ഉമ്മാക്കി : പുല്ലുവില കൊടുത്ത് പുടിൻ

കേന്ദ്രസര്‍ക്കാരിന്റെ കണക്കനുസരിച്ച് 20,000-ത്തോളം ഇന്ത്യക്കാരാണ് യുക്രൈനിലുള്ളത്. ഇതില്‍ നാലായിരത്തോളം പേരെ മാത്രമാണ് ഇതുവരെ തിരികെയെത്തിച്ചത്. റഷ്യന്‍ സൈന്യത്തിന്റെ സാന്നിധ്യമുള്ള യുക്രൈനില്‍ നിന്ന് പൗരന്മാരെ തിരികെ എത്തിക്കുക വെല്ലുവിളിയാണ്. ഇവരെ മടക്കിയെത്തിക്കാന്‍ ഊര്‍ജ്ജിതമായ നീക്കങ്ങളാണ് വിദേശകാര്യ മന്ത്രാലയത്തിന്റെ കീഴില്‍ നടക്കുന്നത്.