നിമിഷ സജയനൊപ്പം സിനിമ ചെയ്ത അനുഭവം പങ്കുവെച്ച് സംവിധായകൻ ജിസ് ജോസ്. അണ്‍പ്രെഡിക്റ്റബിളായ നടിയാണ് നിമിഷയെന്ന് ജിസ് ജോസ് ദ ക്യൂ വിന് നൽകിയ അഭിമുഖത്തിൽ വ്യക്തമാക്കി. ഇത്രയും അണ്‍പ്രെഡിക്റ്റബിളായ ഒരു അഭിനേത്രിക്കൊപ്പം താൻ സിനിമ ചെയ്തിട്ടില്ല എന്ന സംവിധായകൻ പറയുന്നു. ലളിത ചേച്ചിയെയും മഞ്ജു വാര്യരെയും പോലെ, അതേ നാണയത്തിലുള്ള ഒരു നടിയാണ് നിമിഷയെന്ന് സംവിധായകൻ പറയുന്നു.
‘നിമിഷയ്ക്ക് സിനിമയില്‍ ഒരുപാട് പെര്‍ഫോം ചെയ്യാനുണ്ട്. സാധാരണയായി ഞാന്‍ ചെയ്യുന്ന സിനിമകളിലെ നായികമാരെ പോലെ വളരെ പോസ്റ്റീവായൊരു കഥാപാത്രമല്ല നിമിഷയുടേത്. ഇത്രയും അണ്‍പ്രെഡിക്റ്റബിളായ ഒരു അഭിനേത്രിക്കൊപ്പം ഞാന്‍ സിനിമ ചെയ്തിട്ടില്ല. ഞാന്‍ ലളിത ചേച്ചിയുടെയും മഞ്ജു വാര്യറിന്റെയും എല്ലാം കൂടെ സിനിമ ചെയ്തിട്ടുണ്ട്. അതേ നാണയത്തിലുള്ള ഒരു നടിയാണ് നിമിഷയും. ഒരു രീതിയലും നമുക്ക് പ്രെഡിക്റ്റ് ചെയ്യാന്‍ കഴിയില്ല അവരെ. ഓരോ ടേക്കും വളരെ വ്യത്യസ്തമാണ്. സിനിമ ചെയ്യുന്നതിന് മുമ്പ് ഇതെല്ലാം പല അഭിമുഖങ്ങളിലും നിമിഷയെ കുറിച്ച് വായിച്ചിട്ടുണ്ടെന്ന് അല്ലാതെ ജീവിത്തില്‍ അത് എക്‌സ്പീരിയന്‍സ് ചെയ്തത് ആദ്യമായിട്ടാണ്. സെറ്റില്‍ ചിരിച്ച് നില്‍ക്കുകയാണെങ്കിലും അതേ സമയത്ത് തന്നെ ഇമോഷണല്‍ സീനുകളെല്ലാം നിമിഷ മനോഹരമായി ചെയ്യും. നിമിഷയ്‌ക്കൊപ്പം സിനിമ ചെയ്തത് ഒരു അനുഭവം തന്നെയായിരുന്നു’, ജിസ് ജോസ് പറഞ്ഞു.
ജിസ് ജോയ് ആദ്യമായി ഒരുക്കുന്ന ത്രില്ലര്‍ ചിത്രം ‘ഇന്നലെ വരെ’യില്‍ കേന്ദ്ര കഥാപാത്രമാണ് നിമിഷ. നിമിഷയ്ക്ക് പുറമെ ആസിഫ് അലി, ആന്റണി വര്‍ഗീസ് എന്നിവരും ചിത്രത്തില്‍ പ്രധാന വേഷത്തിലെത്തുന്നു. ബോബി – സഞ്ജയ് ആണ് ചിത്രത്തിന്റെ തിരക്കഥ. സിദ്ധിഖ്, ഡോ: റോണി ഡേവിഡ് രാജ്, ശ്രീഹരി, റേബ മോണിക്ക ജോണ്‍, അതുല്യ ചന്ദ്ര, ശ്രീലക്ഷ്മി തുടങ്ങിയവരാണ് മറ്റു പ്രധാന താരങ്ങള്‍. സെന്‍ട്രല്‍ അഡ്വര്‍ടൈയ്‌സിംങ് ഏജന്‍സിയുടെ ബാനറില്‍ മാത്യു ജോര്‍ജ്ജ് നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം ബാഹുല്‍ രമേഷ് നിര്‍വ്വഹിക്കുന്നു.
Post Your Comments