കശ്മീരി ഹിന്ദുക്കളുടെ കൂട്ടക്കൊലയുടെ കഥ : ‘ദ കശ്മീർ ഫയൽസ്’ മാർച്ചിൽ റിലീസ് ചെയ്യും

ന്യൂഡൽഹി: വിവേക് അഗ്നിഹോത്രിയുടെ ‘ദ കശ്മീർ ഫയൽസ്’ എന്ന ചിത്രം 2022 മാർച്ച്‌ 11-ന് റിലീസ് ചെയ്യും. കശ്മീരി ഹിന്ദുക്കളുടെ കൂട്ടക്കൊലയുടെ കഥ പറയുന്ന ചിത്രമാണ് ‘ദ കശ്മീർ ഫയൽസ്’. രാജ്യത്ത് കോവിഡ് കേസുകൾ വർദ്ധിച്ചതിനെ തുടർന്ന് ചിത്രത്തിന്റെ റിലീസ് മാറ്റി വെച്ചിരിക്കുകയായിരുന്നു. നേരത്തെ ചിത്രം റിലീസ് ചെയ്യാൻ തീരുമാനിച്ചിരുന്നത് 2022 ജനുവരി 26-നാണ്.

കശ്മീർ വംശഹത്യയുടെ കഥ ബിഗ് സ്ക്രീനിലെത്താൻ പോകുന്നുവെന്നാണ് ചിത്രത്തിന്റെ റിലീസിനെ സംബന്ധിച്ച് ദ കശ്മീർ ഫയൽസിന്റെ അണിയറ പ്രവർത്തകർ സാമൂഹ്യമാധ്യമങ്ങളിൽ പോസ്റ്റ് ചെയ്തത്. ചിത്രം ഒരുക്കിയിരിക്കുന്നത് 1989-ൽ നടന്ന കശ്മീരി പണ്ഡിറ്റുകളുടെ കൂട്ട പലായനത്തെ ആസ്പദമാക്കിയാണ്.

ചിത്രം നിർമിച്ചിരിക്കുന്നത് തേജ് നാരായൺ അഗർവാൾ, അഭിഷേക് അഗർവാൾ, പല്ലവി ജോഷി, വിവേക് അഗ്നിഹോത്രി എന്നിവർ ചേർന്നാണ്. ചിത്രത്തിൽ മിഥുൻ ചക്രബർത്തി, അനുപം ഖേർ എന്നിവർ ഉൾപ്പെടെ വലിയ താരനിരയാണുള്ളത്.