പുതിയ റേഞ്ച് റോവര്‍ എസ്‌വി എസ്‌യുവിയുടെ ബുക്കിംഗ് ആരംഭിച്ചു

പുതിയ റേഞ്ച് റോവർ എസ്‍വി എസ്‍യുവിയുടെ ബുക്കിംഗ് ആരംഭിച്ചതായി ജാഗ്വാർ ലാൻഡ് റോവർ ഇന്ത്യ. ആഗോള വിപണിയിൽ ഇതിനകം അവതരിപ്പിച്ച എസ്‍വി ഇനി ഇന്ത്യൻ ഉപഭോക്താക്കൾക്കും ലഭ്യമാകും. റേഞ്ച് റോവർ എസ്‌വിയിൽ 390 കിലോവാട്ട് പവറും 750 എൻഎം ടോർക്കും നൽകുന്ന 4.4 ലിറ്റർ ട്വിൻ ടർബോ പെട്രോളും 258 കിലോവാട്ട് പവറും 700 എൻഎം ടോർക്കും നൽകുന്ന കാര്യക്ഷമമായ 3.0 എൽ സ്‌ട്രെയിറ്റ്-സിക്‌സ് ഡീസൽ സവിശേഷതകളുമുണ്ട്. ഇത് ആദ്യമായി അഞ്ച് സീറ്റുകളുള്ള LWB കോൺഫിഗറേഷൻ ഉൾപ്പെടെ, സ്റ്റാൻഡേർഡ്, ലോംഗ് വീൽബേസ് ബോഡി ഡിസൈനുകളിൽ ലഭ്യമാകും.

‘പുതിയ റേഞ്ച് റോവർ എസ്‌വി കൂടുതൽ ആഡംബരവും വ്യക്തിഗതമാക്കൽ ഓപ്ഷനുകളും ചേർക്കുന്നു, അങ്ങനെ ഞങ്ങളുടെ ഉപഭോക്താക്കളെ അവരുടെ സ്വന്തം സ്വഭാവവും വ്യക്തിത്വവും ഉൾക്കൊള്ളുന്ന ഒരു യഥാർത്ഥ വ്യക്തിഗത റേഞ്ച് റോവർ സൃഷ്ടിക്കാൻ പ്രാപ്‍തരാക്കുന്നു..’ ജാഗ്വാർ ലാൻഡ് റോവർ ഇന്ത്യയുടെ പ്രസിഡന്റും മാനേജിംഗ് ഡയറക്ടറുമായ രോഹിത് സൂരി പറഞ്ഞു.

എക്സ്ക്ലൂസീവ് ഡിസൈൻ തീമുകളും വിശദാംശങ്ങളും മെറ്റീരിയലും ഉൾപ്പെടുന്ന നിരവധി കസ്റ്റമൈസേഷൻ ഓപ്ഷനുമായാണ് 2022 റേഞ്ച് റോവർ എസ്‍യുവി വരുന്നത്. ലാൻഡ് റോവറിന്റെ സ്‌പെഷ്യൽ വെഹിക്കിൾ ഓപ്പറേഷൻസ് വികസിപ്പിച്ച എസ്‌യുവി സ്റ്റാൻഡേർഡ്, ലോംഗ് വീൽബേസ് പതിപ്പുകളിൽ ലഭ്യമാകും. ലോംഗ് വീൽബേസ് പതിപ്പിനുള്ള അഞ്ച് സീറ്റ് കോൺഫിഗറേഷനും ഇതിൽ ഉൾപ്പെടുന്നു.

Read Also:- ചര്‍മ്മ പ്രശ്നങ്ങള്‍ അകറ്റാൻ ചില വഴികൾ..!

2022 റേഞ്ച് റോവർ എസ്‌യുവിയുടെ അഞ്ചാം തലമുറയാണ് എത്തിയിരിക്കുന്നത്. വാഹനം പുതിയ രൂപത്തിലും പുതിയ എഞ്ചിൻ ഓപ്ഷനുകളുമായും വരുന്നു. കൂടാതെ ധാരാളം സവിശേഷതകളുള്ള പുതിയ സാങ്കേതികവിദ്യയും നിറഞ്ഞതാണ്. ഇത് കാർ നിർമ്മാതാവിന്റെ പുതിയ ഫ്ലെക്സിബിൾ മോഡുലാർ ലോങ്കിറ്റ്യൂഡിനൽ ആർക്കിടെക്ചറിനെ അടിസ്ഥാനമാക്കിയുള്ളതാണ്.