ഇന്ത്യൻ വിപണി കീഴടക്കാനൊരുങ്ങി മൈക്രോമാക്സ് ഇന്‍ നോട്ട് 2

ദില്ലി: മൈക്രോമാക്സ് ഇന്‍ നോട്ട് 2 ജനുവരി 25ന് ഇന്ത്യൻ വിപണിയിൽ അവതരിപ്പിക്കും. പിന്നില്‍ മൂന്ന് ക്യാമറകളുള്ള ഗ്യാലക്സി എസ് 20ല്‍ നിന്ന് പ്രചോദനം ഉള്‍ക്കൊണ്ടതാണ് ഇന്‍ നോട്ട് 2 നിർമ്മിച്ചിരിക്കുന്നത്. മൈക്രോമാക്സ് ഇന്‍ നോട്ട് 2 ന് രണ്ട് നിറ വകഭേദങ്ങളെങ്കിലും ഉണ്ടായിരിക്കുമെന്ന് മൈക്രോമാക്സിന്റെ ടീസര്‍ വെളിപ്പെടുത്തുന്നു.

അതിശയിപ്പിക്കുന്ന ഗ്ലാസ് ഫിനിഷിങും എല്ലാ വശങ്ങളിലും വളരെ ഇടുങ്ങിയ ബെസലുകളുള്ള ഒരു പഞ്ച്-ഹോള്‍ ഡിസ്‌പ്ലേയോടെയാണ് ഇന്‍ നോട്ട് 2 വരുന്നത്. ഡിസ്പ്ലേ ഏത് പാനല്‍ ഉപയോഗിക്കുമെന്ന് മൈക്രോമാക്സ് പറഞ്ഞിട്ടില്ലെങ്കിലും, അതിന്റെ രസകരമായ ട്വിറ്റര്‍ ത്രെഡ് ഇതിന് അമോലെഡ് ഡിസ്പ്ലേ ഉണ്ടായിരിക്കാനുള്ള സാധ്യതയുണ്ടെന്ന് മൈക്രോമാക്സ് സൂചന നല്‍കുന്നു. ഫ്ലിപ്പ്കാർട്ട് വഴിയാണ് ഇന്‍ നോട്ട് 2 വിൽക്കുന്നത്.

എന്നാല്‍ ഇന്‍ നോട്ട് 2-ന്റെ ലോഞ്ച് തീയതിയായ ജനുവരി 25 മുതലെങ്കിലും നിങ്ങള്‍ക്ക് ഫോണ്‍ വാങ്ങാനാവും. മൈക്രോമാക്സില്‍ നിന്നുള്ള അവസാന ഫോണ്‍ ജൂലൈയിലാണ് അവതരിപ്പിച്ചത്. എന്നാല്‍ ഇന്‍ നോട്ട് 2 ന്റെ മുന്‍ഗാമിയായ ഇന്‍ നോട്ട് 1, 2020 നവംബറില്‍ പുറത്തിറക്കി. 10,999 രൂപ വിലയിലാണ് വിപണിയിൽ അവതരിപ്പിച്ചത്.

Read Also:- ഉറക്കം വരാന്‍ സഹായിക്കുന്ന ചില എളുപ്പവഴികള്‍…

സ്‌പെസിഫിക്കേഷനുകള്‍ അനുസരിച്ച്, പഞ്ച്-ഹോള്‍ സജ്ജീകരണത്തോടുകൂടിയ 6.67-ഇഞ്ച് 1080പി എല്‍സിഡിയാണ് മൈക്രോമാക്സ് ഐഎന്‍ നോട്ട് 1-നുള്ളത്, ഒക്ടാ-കോര്‍ മീഡിയടെക് ഹീലിയോ ജി85 പ്രൊസസറാണ് ഇത് നല്‍കുന്നത്. മൈക്രോ എസ്ഡി കാര്‍ഡിനുള്ള പിന്തുണയ്ക്കൊപ്പം ഐഎന്‍ നോട്ട് 1-ല്‍ 4 ജിബി റാമും 128 ജിബി സ്റ്റോറേജും മൈക്രോമാക്സ് നല്‍കുന്നു.