കണ്ണൂർ-യശ്വന്ത്​പൂർ എക്​സ്​പ്രസ്​ പാളം തെറ്റി

ബംഗളൂരു: കണ്ണൂർ-യശ്വന്ത്​പൂർ സ്​പെഷ്യൽ എക്​സ്​പ്രസ്​ (07390) തമിഴ്​നാട്​ ധർമപുരിക്ക്​ സമീപം പാളം തെറ്റി. വ്യാഴാഴ്​ച വൈകീട്ട്​ കണ്ണൂരിൽനിന്ന്​ ബംഗളൂരുവിലേക്ക്​ പുറപ്പെട്ടതായിരുന്നു. വഴിമദ്ധ്യേ ആയിരുന്നു അപകടം.

Also Read : എപി അബ്ദുള്ളകുട്ടി രാജ്യസഭയിലേക്ക്, മന്ത്രിസ്ഥാനം ലഭിക്കുമെന്നു സൂചന

അപകടത്തിൽ ആർക്കും കാര്യമായ പരിക്കില്ല. ചവിട്ടുപടിക്കുപുറമെ എ.സി ബോഗിയിലെ ഗ്ലാസുകളും തകർന്നു. സീറ്റുകളും മറ്റും ഇളകി മാറിയിട്ടുണ്ടായിരുന്നു. വെള്ളിയാഴ്​ച പുലർച്ചെ 3.45 ഓടെ സേലം- ബംഗളൂരു റൂട്ടിൽ മുത്തംപട്ടി-ശിവദി സ്​റ്റേറഷനുകൾക്കിടയിലാണ്​ സംഭവം. ട്രെയിൻ ഓടിക്കൊണ്ടിരിക്കെ എൻജിന്​ സമീപത്തെ എ.സി ബോഗിയുടെ ചവിട്ടുപടിയിൽ വൻ പാറക്കല്ല്​ വന്നിടിച്ചതാണ്​ അപകടകാരണമെന്ന്​ കരുതുന്നു.