വിക്കിപീഡിയ ആർക്കും എഡിറ്റ് ചെയ്യാം, വാരിയംകുന്നന്റെ പുസ്തകത്തിന് രണ്ടാം പതിപ്പ് ഇറങ്ങും: സിനിമ ഉണ്ടാകുമെന്ന് റമീസ്

‘സുൽത്താൻ വാരിയംകുന്നൻ’ എന്ന പുസ്തകത്തിലൂടെ വാരിയംകുന്നനെന്ന പേരിൽ പുറത്തുവിട്ട ചിത്രത്തിന്റെ ആധികാരികത ചോദ്യം ചെയ്തവർക്ക് മറുപടിയുമായി രചയിതാവായും തിരക്കഥാകൃത്തുമായ റമീസ് മുഹമ്മദ്. ചിത്രത്തിന്റെ ആധികാരികത വിവാദമായ സാഹചര്യത്തിൽ പുസ്തകത്തിന്റെ അടുത്ത പതിപ്പിൽ ഫോട്ടോ പ്രസിദ്ധീകരിച്ച ഫ്രഞ്ച് മാഗസിന്റെ മൂന്ന് പേജുകൾ കൂടി ഉൾപ്പെടുത്തുമെന്ന് റമീസ് ഒരു മാധ്യമത്തോട് പറഞ്ഞു. വിക്കിപീഡിയ ആർക്കും എഡിറ്റ് ചെയ്യാവുന്നതാണെന്ന് എല്ലാവർക്കും അറിയാവുന്നതാണെന്നും റമീസ് പറഞ്ഞു. ‘വാരിയംകുന്നൻ’ എന്ന പേരിൽ പുറത്തിറങ്ങുന്ന സിനിമയുടെ പ്രവർത്തനങ്ങൾ സജീവമാണെന്നും അദ്ദേഹം പറഞ്ഞു.

Also Read:പെണ്‍കുട്ടിയെ തട്ടിക്കൊണ്ടുപോയി വിവാഹം ചെയ്‌തെന്ന് പരാതി: പോലീസ് കസ്റ്റഡിയിലെടുത്ത യുവാവ് സ്റ്റേഷനില്‍ മരിച്ച നിലയില്‍

വാരിയംകുന്നത്ത് കുഞ്ഞഹമ്മദ് ഹാജി മഹാനായ മനുഷ്യനാണെന്ന് റമീസ് മുഹമ്മദ് നേരത്തെ ഒരു അഭിമുഖത്തിൽ വ്യക്തമാക്കിയിരുന്നു. പത്ത് വര്‍ഷത്തെ ഗവേഷണത്തിനൊടുവിലാണ് സുല്‍ത്താന്‍ വാരിയംകുന്നന്‍ എന്ന പുസ്തകം പുസ്തക രൂപത്തിൽ പുറത്തുവന്നതെന്ന് റമീസ് പറയുന്നു. വാരിയംകുന്നന്‍ ശരിക്കും വലിയൊരു സംഭവമാണെന്ന് റമീസ് പറയുന്നു. ഒരു സൂപ്പർ ഹീറോ എന്നൊക്കെ പറയുന്നത് പോലെയാണ് അദ്ദേഹം. വാരിയംകുന്നന്‍ വലിയൊരു സംഭവമാണെന്ന് തോന്നിയപ്പോഴാണ് വലിയ രീതിയിൽ അന്വേഷണം നടത്താൻ തീരുമാനിച്ചതെന്ന് റമീസ് പറയുന്നു. റമീസ് എഴുതിയ വാരിയംകുന്നത്ത് കുഞ്ഞഹമ്മദ് ഹാജിയുടെ ജീവചരിത്ര പുസ്തകത്തില്‍ ഇയാളുടെ യഥാര്‍ത്ഥ ചിത്രവും ഉൾപ്പെടുത്തിയതായി കഥാകൃത്ത് അവകാശപ്പെട്ടിരുന്നു. ഫ്രഞ്ച് ആര്‍ക്കൈവുകളില്‍ നിന്നാണ് കുഞ്ഞഹമ്മദ് ഹാജിയുടെ യഥാര്‍ത്ഥ ഫോട്ടോ ലഭിച്ചതെന്നായിരുന്നു റമീസ് പറയുന്നത്.

Also Read:സ്‌കൂൾ യൂണിഫോമിലും തുല്യത: ആണിനും പെണ്ണിനും ഒരേ യൂണിഫോം, നടപ്പിലാക്കി കേരളത്തിലെ ഒരു സ്‌കൂൾ

‘വാരിയംകുന്നന്‍ കറൻസി ഇഷ്യു ചെയ്തിരുന്നു. അതിന്റെ രേഖകളും ലഭിച്ചു. വാരിയംകുന്നന്‍ എന്ന വ്യക്തിയെ കുറിച്ച് നമുക്കൊക്കെ ലഭിച്ചിരുന്ന വിവരം ഇങ്ങനെയായിരുന്നില്ല. ഒരു കള്ളിത്തുണിയും ബനിയനും മലപ്പുറം കത്തിയും പിടിച്ച് നിൽക്കുന്ന വാരിയംകുന്നനെയാണ് നമ്മളെല്ലാം കണ്ടിട്ടുള്ളത്. ആധുനിക യുദ്ധമുറകൾ സ്വായത്തമാക്കിയിരുന്ന ആളായിരുന്നു അദ്ദേഹം. പട്ടാള യൂണിഫോം അണിഞ്ഞ് റൈഫിൾ പിടിച്ച് യുദ്ധം ചെയ്‌തിട്ടുള്ള ആളാണ്. വാരിയംകുന്നന്‍ എന്ന് പറയുന്ന ഹീറോ നമ്മൾ വായിച്ച് കേട്ടതിൽ നിന്നും മുകളിൽ നിൽക്കുന്ന ആളാണെന്ന് തിരിഞ്ഞപ്പോഴാണ് ലോകം ഇതറിയണമെന്ന് തോന്നിയത്. എന്റെ കയ്യീന്ന് ഇട്ടിട്ട് ഞാനൊന്നും എഴുതിയിട്ടില്ല. വാരിയംകുന്നന്‍ ഒരു വയസൻ ആളാണെന്നാണ് നിലനിൽക്കുന്നത്. അതൊന്നും സത്യമല്ല. കുറുകിയ, പല്ലുപൊന്തിയ ആളൊന്നുമല്ല അദ്ദേഹം’, പുസ്തക പ്രകാശനത്തിന് പിന്നാലെ റമീസ് പറഞ്ഞതിങ്ങനെയായിരുന്നു.