ന്യൂഡല്‍ഹി: മാവോയിസ്റ്റ് ബന്ധമുള്ള രൂപേഷിനെ വെറുതെ വിട്ട ഹൈക്കോടതി വിധി റദ്ദാക്കി സുപ്രീംകോടതി. ഭീകരവിരുദ്ധ നിയമമായ യു.എ.പി.എ, ക്രിമിനല്‍ നിയമപ്രകാരമുള്ള രാജ്യദ്രോഹം എന്നീ കുറ്റങ്ങള്‍ ചുമത്തി 2015 ല്‍ കേരള പൊലീസ് അറസ്റ്റു ചെയ്ത രൂപേഷിനെ വെറുതെ വിടാന്‍ ഹൈക്കോടതി ഉത്തരവിടുകയായിരുന്നു. ഹൈക്കോടതിയുടെ ഈ ഉത്തരവാണ് സുപ്രീംകോടതി റദ്ദാക്കിയത്. ആറു മാസത്തിനകം ഹൈക്കോടതി ഡിവിഷന്‍ ബെഞ്ച് കേസ് വീണ്ടും പരിഗണിച്ച് തീര്‍പ്പാക്കാനും നിര്‍ദ്ദേശിച്ചു.
ഹൈക്കോടതി കേസ് പരിഗണിച്ചതിലെ നിയമപ്രശ്‌നം ചൂണ്ടിക്കാട്ടിയാണ് ജസ്റ്റിസുമാരായ എം.ആര്‍. ഷാ, എ.എസ്. ബൊപ്പണ്ണ എന്നിവരുടെ വിധി. യു.എ.പി.എ കേസുകളില്‍ വിചാരണക്കോടതിക്കെതിരായ അപ്പീല്‍ ഹൈകോടതിയുടെ ഡിവിഷന്‍ ബെഞ്ച് പരിഗണിക്കണമെന്നാണ് നിയമവ്യവസ്ഥ. എന്നാല്‍ ഹൈക്കോടതിയില്‍ സിംഗിള്‍ ബെഞ്ചാണ് ഈ കേസ് പരിഗണിച്ചത്. ഈ ഒറ്റ കാരണം മുന്‍നിര്‍ത്തിയാണ് ഹൈക്കോടതി വിധി റദ്ദാക്കുന്നതെന്ന് സുപ്രീംകോടതി വ്യക്തമാക്കി.
Post Your Comments