അങ്കമാലി: ടിപ്പറിനു പിന്നില്‍ സ്കൂട്ടര് ഇടിച്ച് ആരോഗ്യപ്രവര്‍ത്തകയ്ക്ക് ദാരുണാന്ത്യം. അങ്കമാലി തുറവൂര്‍ അയ്യമ്പിള്ളി വീട്ടില്‍ സോയലിന്റെ ഭാര്യ സുനിത(35) ആണ് മരിച്ചത്. പൊടുന്നനെ ബ്രേക്കിട്ട ടിപ്പറിന് പിന്നിലേക്ക് സ്കൂട്ടര് ഇടിച്ച് കയറുകയായിരുന്നു. മൂക്കന്നൂര്‍ എം.എ.ജി.ജെ ആശുപത്രി സ്റ്റാഫ് നഴ്സാണ് സുനിത. മൂക്കന്നൂര്‍ – തുറവൂര്‍ റോഡില്‍ ചുളപ്പുര ഭാഗത്ത് ബുധനാഴ്ച രാവിലെ 7.15ഓടെയാണ് അപകടം.
രാവിലെ ജോലിക്കു പോകുകയായിരുന്നു സുനിത. മുന്നില്‍ അതിവേഗം സഞ്ചരിക്കുകയായിരുന്ന ടിപ്പര്‍ പെട്ടെന്ന് ബ്രേക്കിട്ടതോടെ സുനിതയുടെ സ്കൂട്ടര് ടിപ്പറിന് പിന്നില്‍ ഇടിച്ചുകയറുകയായിരുന്നു. തലയും മുഖവും തകര്‍ന്ന് ചോര വാര്‍ന്നൊഴുകി അവശനിലയിലായ സുനിതയെ ഉടനെ എം.എ.ജി.ജെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
Post Your Comments