ഗാന്ധിനഗർ: രക്ഷാബന്ധൻ ആഘോഷങ്ങൾക്കുള്ള തയ്യാറെടുപ്പുകൾ പുരോഗമിക്കവെ വിപണിയിൽ തരംഗമായി 24 കാരറ്റ് ഗോൾഡ് സ്വീറ്റ്‌സ്. സൂറത്തിലെ ഒരു കടയിലാണ് സ്വർണ്ണ ഫോയിലുള്ള ഈ മധുര പലഹാരം ഉള്ളത്. സൂറത്തിലെ ഘോഡാഡോഡ് റോഡ് പ്രദേശത്താണ് ഈ സ്വീറ്റ് ഷോപ്പ് സ്ഥിതി ചെയ്യുന്നത്.
‘ഗോൾഡ് സ്വീറ്റ്‌സ്’ എന്നറിയപ്പെടുന്ന ഈ പലഹാരത്തിന് ഉത്സവ സീസൺ അടുക്കുന്തോറും ഡിമാൻഡ് വർധിക്കുകയാണ്. സ്വർണ്ണപ്പണികളോട് കൂടിയ മധുരപലഹാരങ്ങളും ഈ കടയിൽ വിൽക്കുന്നുണ്ട്. ഒരു കിലോ സ്വർണ മധുരപലഹാരങ്ങളുടെ വില ഒമ്പതിനായിരം രൂപയാണ്. സ്വർണ്ണ ഫോയിൽ കൊണ്ട് പൂശിയ ഈ മധുരപലഹാരങ്ങൾ ആരോഗ്യത്തിന് മികച്ചതാണെന്നാണ് കടയുടമ പറയുന്നത്.
വരാനിരിക്കുന്ന രക്ഷാ ബന്ധൻ ഉത്സവത്തിനായി ചില ഉപഭോക്താക്കൾ ഏറ്റവും ചെലവേറിയ മധുരപലഹാരങ്ങളാണ് ഓർഡർ ചെയ്തിരിക്കുന്നതെന്നും അദ്ദേഹം വ്യക്തമാക്കി.
Post Your Comments