ടോക്കിയോ: ടോക്കിയോ ഒളിമ്പിക്സിൽ രാജ്യത്തിന്റെ മെഡൽ പ്രതീക്ഷകളുമായി നീന്തൽ കുളത്തിലിറങ്ങിയ മലയാളി താരം സജൻ പ്രകാശ് സെമി കാണാതെ പുറത്ത്. രണ്ടാം ഹീറ്റ്സിൽ മത്സരിച്ച സജൻ 1:57:22 സെക്കന്റിൽ നാലാം സ്ഥാനത്താണ് ഫിനിഷ് ചെയ്തത്.
അഞ്ച് ഹീറ്റ്സിലുമായി ആദ്യ 16 പേർക്ക് മാത്രം സെമി ഫൈനൽ സാധ്യതയുണ്ടായിരുന്ന ഇനത്തിൽ സജന് ഇരുപത്തിനാലാം സ്ഥാനമാണ് ലഭിച്ചത്. ഇതോടെ നീന്തലിൽ ഇന്ത്യയുടെ മെഡൽ സാധ്യത അവസാനിക്കുകയും ചെയ്തു.
എ കാറ്റഗറി യോഗ്യതാമാർക്കുമായി ഒളിമ്പിക്സിന് യോഗ്യത നേടിയ ആദ്യ ഇന്ത്യൻ നീന്തൽ താരമാണ് സജൻ പ്രകാശ്. റോമിൽ നടന്ന യോഗ്യതാ ചാമ്പ്യൻഷിപ്പിൽ ഒന്നാമതെത്തിയാണ് സജൻ ടോക്കിയോയിലേക്ക് പറന്നത്. രണ്ടിനങ്ങളിൽ മാത്രമാണ് സജൻ പ്രകാശ് മത്സരിക്കാൻ ടോക്കോയിൽ ഇറങ്ങിയത്.
Post Your Comments