തിരുവോണത്തിന് മുന്നേയുള്ള ഓണമായ പിള്ളേരോണത്തെ കുറിച്ച് കൂടുതലറിയാം

ചിങ്ങത്തിലെ തിരുവോണത്തിന് 27 ദിവസം മുൻപാണ് ഈ ഓണം. അതായത് കർക്കിടകത്തിലെ തിരുവോണ നാളിനെയാണ് പിള്ളേരോണം എന്നുപറയുന്നത്. തൂശനിലയിൽ പരിപ്പും പപ്പടവും തുടങ്ങി എല്ലാ വിഭവങ്ങളുമുള്ള അടിപൊളി സദ്യയോടെയാണ് പണ്ടൊക്കെ ഈ ദിനം ആഘോഷിച്ചിരുന്നത്.

പണ്ടൊക്കെ ഓണത്തിന്റെ ഒരുക്കം ഈ ദിനം മുതലാണ്. ചിങ്ങത്തിലെ തിരുവോണം മഹാബലിയെ വരവേൽക്കാൻ ആണെങ്കിൽ കർക്കിടകത്തിലെ പിള്ളേരോണം വാമനന്റെതാണെന്നാണ് വിശ്വാസം. തൃക്കാക്കര വാമന മൂര്‍ത്തി ക്ഷേത്രത്തിലെ ഓണാഘോഷങ്ങളുടെ തുടക്കം തന്നെ പിള്ളേരോണത്തിനായിരുന്നു.