ന്യൂഡല്‍ഹി: രാജ്യത്ത് കോവിഡിന് മുമ്പ് 1783 മെയില്‍, എക്സ്പ്രസ് ട്രെയിനുകളാണ് സര്‍വീസ് നടത്തിയിരുന്നത്. പുതിയ കണക്കനുസരിച്ച്‌ ഇതില്‍ 983 ട്രെയിനുകള്‍ സര്‍വീസ് നടത്തുന്നുണ്ട്. അതേസമയം കോവിഡിന് മുമ്പുണ്ടായിരുന്ന ട്രെയിനുകളില്‍ 56 ശതമാനവും സര്‍വീസ് പുനഃരാരംഭിച്ചിട്ടുണ്ടെന്ന് റെയില്‍വേ അറിയിച്ചു.
660 ട്രെയിനുകളുടെ സര്‍വീസിന് കൂടി അനുമതി നല്‍കിയിട്ടുണ്ടെന്നും ഇതില്‍ 108 എണ്ണം അവധിക്കാല സ്പെഷ്യല്‍ ട്രെയിനുകളാണെന്നും റയിൽവേ വ്യക്തമാക്കി. ഇതില്‍ 552 മെയില്‍, എക്സ്പ്രസ് ട്രെയിനുകളും 108 അവധിക്കാല സ്പെഷ്യല്‍ തീവണ്ടികളും ഉള്‍പ്പെടും. വിവിധ സോണുകള്‍ക്ക് കോവിഡ് സാഹചര്യവും യാത്രക്കാരുടെ എണ്ണവും പരിഗണിച്ച്‌ കൂടുതല്‍ ട്രെയിനുകളുടെ സര്‍വീസ് തുടങ്ങാമെന്നും റെയില്‍വേ വ്യക്തമാക്കിയിട്ടുണ്ട്.
അന്തര്‍ സംസ്ഥാന തൊഴിലാളികളുടെ സൗകര്യം ഉള്‍പ്പടെ പരിഗണിച്ചാണ് റെയില്‍വേ തീരുമാനം. കോവിഡ് മഹാമാരിയോടെ യാത്രക്കാർ കുറഞ്ഞതും കോവിഡ് വ്യാപനം രൂക്ഷമായതുമാണ് സർവീസ് നിർത്താൻ കാരണം. സർവീസ് തുടങ്ങിയതോടെ ഇനി പൊതുഗതാഗതം പഴയ രീതിയിലാകും.
Post Your Comments